Popular Bible Verses from Sal 119

Share

Ri ach'abel rat Jehová kan achi'el jun q'aq' ri nusaqirisaj ri nubey; kan jun saqil akuchi yibiyin-wi.

Kan nuyakon k'a pa wánima ri ach'abel, richin chi man yimakun ta chawech.

¿Achi'el ta k'a toq nitikir jun ala' richin nuk'uaj jun k'aslen ch'ajch'oj? ¡Kan rik'in k'a chi nuyek pa ránima ri ach'abel rat!

Jebel ruwa-kiq'ij ri kan nikitaqej ri ruk'utun kan ri Dios, ri kan rik'in ronojel kánima nikikanoj.

Awik'in k'a rat ninwewaj-wi-wi' y rat kan yinato'. Kan nukuquban k'a nuk'u'x rik'in ri ach'abel.

Taya' nuna'oj richin kan xtinben ri nubij chupan ri apixa'. Rik'in k'a ronojel wánima xtinben ri nubij.

Tabana' chire ri wánima chi nrajo' ta nuben ri nubij ri apixa', y man ta ja ri itzel taq ch'akoj ri xtinrayij ruwech.

Janila utz xuben chuwe toq rat xinaya' pa tijoj-poqonal, richin yin ninwetamaj ri apixa'.

Ri nikuquban nuk'u'x chupan ri tijoj-poqonal, xaxe ri wetaman chi ri ach'abel nubij chi rat kan naya' nuk'aslen.

Kinayuqej chupan ri bey richin ri ruchojmilal, roma kan rik'in ri' k'o-wi ri nukikoten.

Jehová kan tak'utu' k'a chinuwech ri ruchojmilal ri apixa', y kan man xtinmestaj ta k'a chupan chijun ri nuk'aslen.

Yin kan maneq chik wuchuq'a' roma bis. Roma ri' taya' jun k'ak'a' wuchuq'a' richin ninkoch', achi'el ri asujun chuwe.

Yin kan janila ninwajo' ri apixa', kan jari' ri ninquqa' rij chijun q'ij.