Popular Bible Verses from Sal 103

Share

Yin kan jantape' xtinnimirisaj ruq'ij ri Jehová. Kan man xtinmestaj ta k'a ri rutzil ri ruya'on pa nuwi'.

Ja rija' ri nikuyun ronojel ri qamak. Ja rija' ri nik'achojirisan ronojel ri qaq'axo'n. Ja rija' ri nikolon qichin chuwech ri kamik. Ri rutzil y ri rujoyowanik ri nuya' chiqe kan achi'el k'a jun corona nuben pa qajolon. Ja rija' niya'on chiqe ronojel ri utz, richin nuben k'ak'a' chiqe, y nik'oje' k'ak'a' quchuq'a', achi'el ri kot.

Yin kan jantape' xtinnimirisaj ruq'ij ri Jehová. Kan rik'in k'a chijun nuk'aslen xtinimirisaj ri loq'olej rubi' ri Dios.

Ri Jehová kan nujoyowaj k'a qawech roj ri niqaya' rejqalen rija'. Kan achi'el k'a jun tata'aj ri nujoyowaj kiwech ri ralk'ual.

Ri qamak kan nej k'a xrelesaj-el chiqe roj. Kan achi'el k'a ri nej rukojol ri relebel-q'ij rik'in ri qajbel-q'ij.

Ri Jehová kan joyowanel y koch'onel-wi. Kan man chi'anin ta nipe royowal, y kan janila nim ri rujoyowanik.

Rija' man ruya'on ta k'a chiqe roj ri ruk'ayewal ri ruk'amon chi nuya'. Ni man ruya'on ta k'a pa qawi' ri rutojbalil ri qamak. Ri rajowabal rija' kan janila nim pa qawi' roj ri niqaqasaj-qi' chuwech. Ri kaj y ri ruwach'ulew man yetikir ta nikitemej ri nimalej rajowabal rija'.

Ri Jehová kan k'a chila' chikaj k'o-wi ri rutz'uyubal richin niq'aton-tzij. Rija' kan nuq'et k'a tzij pa ruwi' ronojel.