Popular Bible Verses from Pro 23

Share

Roma kan janila wi xtikikot ri rutata' jun alk'ualaxel, ri kan choj ri ruk'aslen; roma kan xralk'ualaj jun aj-na'oj; y jare' ri nibanon chire ri tata'aj chi nikuqer-qa ruk'u'x.

Man jun bey tach'ob chi yasamej janila, xaxe richin chi yabeyomer-q'anej; xa katuxlan chire ronojel ri nojibel ri'.

Wi rat kan kere' ri xtaben, kan takuquba-apo ak'u'x chi k'o utz ri xtabewila-apo ri chawech; ri awoyoben-apo, kan qitzij k'a xtel chawech.

Man jun bey tarayij naben ri rubanobal jun wineq aj-mak, rat xa tarayij naben ronojel q'ij, ri nikiben ri winaqi' ri k'o rukiy ri Dios chikiwech.

Man tik'o ak'u'x nabij chire ri ak'ual ri achike ruk'amon chi nuben; y stape' kan nakusaj ri xik'a'y chirij, xa man xtiken ta roma ri'.

Rat, kan tajacha' k'a awi' rik'in ronojel ri awánima, richin nik'oje' más awetamabal; y kan taya' chuqa' axikin chi retamaxik ri kitzij ri k'o ketamabal.

Roma wi rat kan natzu' k'a el beyomel chupan ri ak'aslen, toq natzu' yan chik, xa xbe yan; xa achi'el xek'oje-el ruxik', achi'el ri ruxik' ri kot, richin chi nej nibe chikaj.

Rat, kan tabana' k'a ri nubij chawe ri atata', ri xalk'ualan awichin; kan man k'a taben chi man jun chik rejqalen ri ate', toq rija' xtapon pa rurijixinen.