Popular Bible Verses from Pro 19

Share

Ri pa ránima ri wineq kan k'o k'iy ri nrajo' nuben, y ri nibanatej xaxe ri nrajo' ri Jehová.

Ri kan k'o ri nuya' chire jun wineq ri man jun ok k'o rik'in, xa achi'el jun qajo'n ri nuya' chire ri Jehová, y ri Jehová kan nuya-wi rutzij chi kan nuya' rajel-ruk'exel chikijujunal ri utzil.

Ri wineq ri nuch'ob jebel ri achike nuben, nuben chire chi nok ch'uch'uj; y ja ri ruk'ojlen ri' ri nibanon chire chi toq k'o mak niban chuwech, rija' nuben chi achi'el man jun banatajineq.

Kan taya' k'a axikin chike ri pixabanik ri yeya'ox chawe, y kan tak'ulu' toq yatijox rik'in ch'olinik; roma jari' ri xtibanon chawe chi k'o na jun q'ij xkatok jun wineq aj-na'oj.

Toq k'o rukiy ri Jehová chuwech ri wineq, kan nuk'en-pe k'aslen chire; kan nuk'ul k'a ronojel ri k'atzinel chire y ri etzelal kan man xtapon ta rik'in.

Ri wineq ri kan nutej ruq'ij richin nril na'oj, kan nrajo' wi ri ruk'aslen; y chuqa' ri wineq ri kan nuben richin chire ri etamabel, kan nril-wi ri utz.

Kan tatija' aq'ij chi napixabaj ri ak'ajol rokik nik'iy-q'anej, roma xaxe keri' k'o utz ri nawoyobej-apo; xaxe k'a man tik'o-ruwi' ri naben chire richin natijoj, man xa tiken-el pan aq'a'.

Jun wineq ri xa nutz'uk ri banobel ri yeruq'alajirisaj chirij jun wineq, xa xtiqaqa ruk'ayewal pa ruwi'; y kan qitzij wi chi ri wineq ri nitz'ukun tzij, xa pa kamik xtapon-wi.