Popular Bible Verses from Núm 22

Share

K'ari' ri Jehová xuben chire ri bur ri' chi xch'on, y xubij chire ri Balaam: ¿Achike k'a ri nubanon chawe yin? Roma rik'in re wakami, ja yan re' oxi' bey kinach'ey, xcha' ri bur chire ri Balaam.

Y jari' toq ri Jehová xuben chi xjaqatej runaq'-ruwech ri Balaam y xutz'et k'a ri ángel richin ri Jehová pa'el pa nik'aj bey y ruk'uan jun espada pa ruq'a'. Y roma ri' ri Balaam xulukuba-qa-ri' k'a pan ulew, chuwech ri ángel.

Y ri ángel xuk'utuj k'a chire ri Balaam: ¿Achike roma toq oxi' yan mul tach'ey la ti abur? Yin kan in peteneq k'a richin chi nonq'ata' abey, roma ri nabebana' kan man ruk'amon ta.

Y ri bur xubij chire ri Balaam: ¿Man ja ta k'a yin ri in ach'okoliben-pe k'a re q'ij re'? Rat kan awetaman jebel chi yin man jun bey ri nubanon ta kere' chawe, xcha'. K'ari' ri Balaam xubij: Ja', kan qitzij na wi chi man jun bey ri abanon ta kere' chuwe, xcha'.

K'ari' ri Balaam xubij chire ri ti rubur: Rat xa yatze'en chuwij. ¡Xa ta k'o pe jun espada pa nuq'a', wakami yan yatinkamisaj kan!, xcha'.

Y toq ri bur xutz'et chik jun bey ri ángel, xxuke-qa pan ulew, chuxe' ri Balaam, y jari' toq ri Balaam xyakatej janila royowal y xuch'ey chik jun bey ri ti rubur rik'in ri ruch'ame'y.