Popular Bible Verses from Núm 21

Share

Y ri Jehová kan jari' xubij-pe chire ri Moisés: Tabana' jun ruwachibel kumetz y tatzukuba' chutza'n jun che'; y xabachike k'a wineq ri nuti' kan kumetz, tutzu' ri wachibel ri' y xtik'ase', xcha' ri Jehová.

Y ri Moisés kan jari' xuben jun ruwachibel kumetz rik'in q'enq'oj-pueq y xutzukuba' chutza'n jun che'; y toq k'o k'a jun wineq ri nuti' kan kumetz, kan chi'anin k'a nutzu' ri wachibel ri' y nik'ase' kan.

Roma ri' rije' itzel xech'on chik chirij ri Dios y chirij ri Moisés y xkibij: ¿Achike roma toq xojawelesaj-pe pan Egipto xaxe richin yojken kan wawe' pa tz'iran ruwach'ulew? Roma xa kan maneq k'a qaway, maneq k'a qaya', y re wey re naya' chiqe re wawe' xa nimulun chik qak'u'x roma y kan man yojruchop ta chuqa', xecha'.

Y kan jari' toq ri Jehová xeruteq-pe itzel taq kumatzi' chikikojol ri winaqi' richin xekiti' y e k'iy k'a chike rije' xeken.

Roma ri' ri winaqi' xebe k'a rik'in ri Moisés y xkibij k'a chire: Roj kan xojmakun-wi k'a, roma itzel xojch'on chirij ri Jehová y chawij rat. Tabana' utzil kach'on rik'in ri Jehová y tak'utuj utzil chi kerelesaj-el re kumatzi' chiqakojol, xecha'. Y ri Moisés kan xch'on-wi k'a rik'in ri Dios pa kiwi' rije'.