Popular Bible Verses from Ecl 3

Share

Ronojel kan k'o ruq'ijul y ronojel ri niqaben chuwech re ruwach'ulew kan pa ruq'ijul nibanatej-wi.

Napon k'a ruq'ijul ri alaxik, y chuqa' napon ruq'ijul ri kamik. Napon k'a ruq'ijul richin niban-qa ri tiko'n, chuqa' napon ruq'ijul richin nik'ol ri tikon-qa. Napon k'a ruq'ijul richin kamisanik, y chuqa' napon ruq'ijul richin nawaq'omaj richin nakol chuwech ri kamik. Napon k'a ruq'ijul richin wulanik, y chuqa' napon ruq'ijul richin rupabaxik.

Napon k'a ruq'ijul richin oq'ej, y chuqa' napon k'a ruq'ijul richin kikoten. Napon k'a ruq'ijul richin jiloj, y chuqa' napon ruq'ijul richin yaropin roma kikoten. Napon k'a ruq'ijul richin nawelesaj-el ri abej, y chuqa' napon ruq'ijul richin namol-pe ruchi' ri abej. Napon k'a ruq'ijul richin yaq'eten, y chuqa' napon ruq'ijul richin naya' kan richin yaq'eten.

Napon k'a ruq'ijul richin naretz, y chuqa' napon ruq'ijul richin natz'is. Napon k'a ruq'ijul richin man jun ch'abel nabij, y chuqa' napon ruq'ijul richin k'o ch'abel nabij. Napon k'a ruq'ijul richin yatajowan, y chuqa' napon ruq'ijul richin yatixowan. Napon k'a ruq'ijul richin labal, y chuqa' napon ruq'ijul richin ri uxlanibel.

Napon k'a ruq'ijul richin nakanoj y nawil, y chuqa' napon k'a ruq'ijul richin nakanoj y man nawil ta. Napon k'a ruq'ijul richin nayek, y chuqa' napon ruq'ijul richin nawelesaj-el.

Y chuqa' wetaman chi ronojel ri rubanon ri Dios kan man richin ta jun ka'i-oxi' q'ij. Roma ri' kan man jun k'a nitikir niya'on ruwi' ni man jun chuqa' nelesan ta juba' chire ri rubanik, y kere' xuben chire richin chi ri achin tik'oje' rukiy ri Dios chuwech.

Y roma ri' yin xinch'ob pa wánima, ri choj kik'aslen y ri man choj ta kik'aslen ja ri Dios xtibeq'aton-tzij pa kiwi' roma kan xtapon k'a ruq'ijul richin nibanatej ronojel ri'.