Popular Bible Verses from Deut 11

Share

Ke'itijoj k'a ri iwalk'ual chire re ch'abel re' toq ixk'o pa taq iwachoch, toq ix beneq pa taq bey, toq yixkotz'e-qa y toq yixyakatej-el.

Roma ri' kan tiyaka' k'a re ch'abel re' pa taq iwánima y tich'obo'. Tixima' k'a chirij iq'a' y ri nik'aj iwech richin jun retal.

Wi rix kan xtitaqej ri pixa' ri xinya' chiwe re q'ij re', y kan niwajo' ri Jehová ri qa-Dios, y kan nisamajij rik'in ronojel iwánima y chijun ri ik'aslen, rija' kan xtuya-pe ri job pa ruq'ijul pa ruwi' ri ruwach'ulew. Keri' chuqa' xtuya-pe ri saq'ij richin keri' xtik'ol ri jalajoj ruwech ixin, ri vino y ri aceite richin olivo.

Kan tiwajo' k'a ri Jehová ri qa-Dios ronojel q'ij chire ri ik'aslen, y kan titaqej k'a ronojel re pixa' re'.

Chupan k'a re q'ij re' ninya' chiwech richin nicha' chukojol ri urtisanik y ri etzelanik. K'o urtisanik wi rix kan ninimaj ri pixa' ri ruya'on ri Jehová ri qa-Dios ri xinbij chiwe wakami. Ri etzelanik xtik'ul k'a wi rix man xtinimaj ta ri pixa' ri xinbij chiwe wakami, y wi xtich'er kan iwi' richin ye'itzeqelibej kan jujun chik dios ri xa man iwetaman ta kiwech.

Y kan titz'ibaj k'a chuwech ri ruchi' taq iwachoch, richin chi rix y chuqa' ri iwalk'ual xtiyaloj ri ik'aslen chupan ri ruwach'ulew ri rusujun kan ri Jehová chike ri qati't-qamama'. Keri' ri ik'aslen kan xtiyaloj achi'el ri ch'umila' ri ek'o chuwech ri kaj.

Kan tichajij k'a iwi'; man kixq'olotej; man tijech'ej kan iwi' rik'in rija' richin niya' kiq'ij ch'aqa' chik dios y yixxuke' chikiwech.