Popular Bible Verses from 1 Crón 16

Share

Tiqakanoj k'a ri Jehová ri k'o janila uchuq'a' rik'in; Kan tiqakanoj k'a jantape'.

Kan janila qojmatioxin chire ri Dios, roma rija' kan janila utz; roma ri rajowabal y ri rujoyowanik kan richin tibe-q'ij tibe-seq.

¡Kan tiqaya' ruq'ij ri Jehová! ¡Kan tiqatzijoj ri nimalej rubi'! Kan tiqatzijoj chike ri tinamit ri nima'q taq banobel ri yeruben.

Kan tiqanimirisaj-qi' roma ri nimalej rubanobal rija'. Kan tikikot k'a ri qánima ri yojkanon richin ri Jehová.

Kan toqaqa k'a chiqak'u'x ronojel ri meyel taq rubanobal ri rubanon qik'in, Man tiqamestaj ri rubanobal ri xaxe qik'in roj xuben-wi. Kan toqaqa k'a chiqak'u'x ri ruchojmilal ri rubin chiqe.

Xqojbixan k'a richin niqaya' ruq'ij-ruk'ojlen. Kan tiqatzijoj ri meyel taq banobel ri yeruben.

Roma ri Jehová kan k'o nim ruq'ij-ruk'ojlen, y kan xaxe rija' ruk'amon chi niqaya' ruq'ij. Rija' kan man junan ta k'a kik'in ch'aqa' chik dios, roma rija' kan k'o rukiy.

Kan ruk'amon richin niqanimirisaj ri nimalej rubi' ri Jehová. Kan tiqak'ama-pe sipanik chuwech; kan xtiqaxuk-xtiqamej-qi' chuwech ri loq'olej ruk'ojlemal rija'.

Kan janila niyik'lun ri akuchi k'o-wi rija'. Ri pa rachoch kan k'o-wi uchuq'a' y kikoten.

Kan tiqabixaj ri rubi' ri Jehová, roj ri ojk'o chuwech re ruwach'ulew; Kan q'ij-q'ij tiqatzijoj ri kolotajik ri nuya'.

Kan tiqatzijoj ri ruk'ojlemal chike ch'aqa' chik ruwach'ulew; y tiqatzijoj k'a ri meyel taq rubanobal chike ri winaqi'.

Y man xuya' ta q'ij richin yetz'ilox ri e rucha'on; ni man xuya' ta q'ij richin yeyoq' ri e q'alajirisey ri ruch'abel.

Roma ri ki-dios ri ch'aqa' chik ruwach'ulew, xa e wachibel y man jun kejqalen: Jak'a ri Jehová kan ja rija' xbanon ri kaj.

Rija' kan jantape' xtik'oje' pa ránima ri rujikibel-tzij; rija' man xtumestaj ta ri rusujunik, stape' xtiq'ax jun 1,000 sol winaqi'

Kan tikikot k'a ri kaj; chuqa' kan tikikot k'a ri ruwach'ulew. Kan xtiqatzijoj chike ri winaqi' richin chijun ruwach'ulew chi ri Jehová, ja rija' ri rey.

¡Tiqaya' ruq'ij ri Jehová, ri qa-Dios roj ri oj aj-Israel. Tiqaya' ruq'ij tibe-q'ij tibe-seq. Y konojel k'a ri winaqi' xkibij: Kan keri' wi xecha', y konojel k'a xkiya' ruq'ij ri Jehová.

Kan rik'in ri Jehová k'o-wi ri k'ojlen y kan rik'in rija' k'o-wi ri uchuq'a'. Roma ri' roj ri oj aj pa qachoch, kan tiqaya' k'a ruq'ij-ruk'ojlen ri Jehová.