Popular Bible Verses from Stg 5

Share

Qo'che' 'noota qom auechoĝochiyema gaa'me adaqayadi' ga'me adoequi, nataq'aen da'me anetameñilo'te onolqa'tape jogaa'me adaqayadi' qaedi en yemedegue q'ae'n. Qa'a da'me netamenaĝac joga'me jiyaĝaua jo'ne yataqatelegue, nach'eda jo'ne 'uo da'me lañoqotaĝanaĝac da'me lepe'e.

Qom 'uo da'me ami ue'tajop joda'me ja en 'te mach'eñe, 'noota qom netamen, nataq'aen gamachaqaegaua jo'ne ue'tajopa joda'me lamai'j 'noota qom t'onaĝa'tape da'me yi'yoĝodetedac joñe'me Dios.

Nataq'aen qom yataqachiñe 'uo da'me adepi'i da'me anetameñi qama'le joga'me jo'ne yeleuac paja'a da'me yemegue, qama'le joñe'me Jaliaĝanec yañijeguem. Qama'le qom uo'oe jogaa'me loeco nach'e ena'am qoyapalaĝa't.

Qom 'uo ga'me yeleuac, 'noota qom yiyaĝanalo jogaa'me 'yaĝaicachidi jo'ne tamenaĝaiqui lo'ol qaedi netamedelegue nataq'aen da'me yiyoĝodelegue ga'me aceite joga'me yajouaĝat da'me yeme'teguet ñe'me Jaliaĝanec.

qama'le auayachiñe da'me dojo': gamachaqaega jo'ne ya'uo da'me en 'niyelaĝauo ga'me loeco lo'o da'me te'me ta'ya ga'me naq'aec jo'ne ja no'en, qama'le nach'ega jo'ne nec'alaĝategue da'me te'me 'uo da'me leleuaĝa, qama'le nach'e ena'am en qoyapalaĝa't gaa'me loeco jo'ne jalcote.