Popular Bible Verses from 2 Ti 4

Share

Qa'a joote yem da'me yeloiquiaĝac jo'ne yataqata onaĝaic, nataq'aen da'me yataqata jomat da'me 'yonataĝanaĝac, nataq'aen da'me qaya'te ua'a ta'le jaĝañi da'me jep'iya'a uotaĝa ja joqoch'a ñe'me Dios.

'Noota qom auapaĝaguenataĝaneque naa'me naajo' Dios 'laqataqa yemeda naa'me noloqo'ote, nataq'aen a'viyelaqatapelegue nale maqachaĝa am qonaquiaĝana, nataq'aen ena'am nale ja am 'te qonaquiaĝana. Aualoĝonalo gaa'me jiyaĝadipi da'me lejomaĝa'j nataq'aen da'me anavidijeguem, qama'le auapaĝague'n, ena'te adoualalo.

Qa'a uo'oe jo' qomle gaa'me noloqo'ote jo'ne nate', male jena'me jiyaĝadipi yataqata ja naquiaĝana naa'me naajo' 'naqataqa, mac joda'me queteda'ague jogaa'me chiyoĝo's nichiyoĝojoĝoco. Nataq'aen male mach'e yelodaque gaa'me napaĝaguenoqo't, qaedi male qoyapaĝagueneque joga'me mach'e paquetedaque domachita. Jena'me jiyaĝadipi netauoĝodelegue da'me eja, male 'yamaqate'n jogaa'me gamachaqaegaua ch'e nejenaĝaco.

Qalaĝaja da'me am Timoteo, yataqata adetela da'me at'onataĝanaĝac, a'nañaĝateta jogaa'me adachoĝodeco, mac joda'me nach'e eta't auapaĝaguenataĝatac jena'me jenjo' 'noota, yataqata aviyamaĝatetac da'me qoyen at'onatac.

Chane'eja nayi joote 'uo joga'me yomataĝanaĝac jo'ne jelo'ta, qa'a ñe'me Jaliaĝanec jo'ne qaya'te nepaten jayem yanem jo' qomle. Qalaĝaja ja jayem 'te onolec da'me jayem qoyanem; chayovida'alo qoyanema yemeda jogaa'me 'uo da'me loqopich'i da'me youatetedac ga'me yitaĝa 'niyelaĝac joñe'me Jaliaĝanec.