Popular Bible Verses from Ruoman 13

Share

Insted-a aal a dat, unu fi mek Jiizas Krais ruul uova unu an tap tingk bout di wikid sitn dem we unu badi waahn fi du an ou unu kyan get dem sitn de.

No uo nobadi notn — pie piipl wa unu uo dem. Di onggl ting unu fi uo piipl a lov kaaz enibadi we lov dem nieba laik ou dem lov demself, dem a du evriting we di Laa se.

Evribadi mos du wa di govament se kaaz nobadi kyaahn ruul ef Gad neva gi dem di powa fi ruul. So di piipl dem we a ruul uova unu, a Gad put dem de.

Wi taim pan da ort ya suun don, it komiin laik wen nait a don an die a lait. So mek wi tap du di wikid sitn dem we piipl du iina di daak an insted-a dat tek op di wepan dem wa wi yuuz fi fait iina di die taim.

Ef yu lov sumadi yu naa go du notn bad tu dem. So den, wen yu lov piipl, yu riili a du aal we di Laa se.

Unu mos pie piipl wa unu uo dem: Ef unu av taks fi pie, pie di uol a dem; ef piipl fi get rispek, rispek dem an ef a big dem fi get big op, den big dem op.