Popular Bible Verses from Jiemz 4

Share

So ton tu Gad an no du notn we di devl waahn unu fi du. Tan op chrang chrang gens im, an im wi ron we fram unu.

Jraa nier Gad, an Gad wi jraa nier unu. Sina kliin op unu laif. An unu we kyaahn mek op unu main, kliin op fi unu aat tu.

So ombl unuself infronta Gad, an du evriting we im se unu fi du an im wi big unu op.

Bot muo dan notn els, Gad gud an kain tu wi. A dat mek Gad wod se, “Gad kaaz buosi piipl plan fi mash op bot im gud an kain tu piipl we ombl demself.”

So enibadi we nuo di rait sitn we dem fi du an no du it, a sin dem a sin.

Iivn wen unu aks Gad, unu stil no get wa unu aks fa, kaaz unu a aks fi di rang riizn. Unu jos waahn dem sitn de fi big op unu ches an fi mek unu fiil impuotant.

Unu komiin laik piipl we sliip wid ada piipl waif an ozban! Unu no nuo se piipl we lov di worl iet Gad? So enibadi we mek di worl dem fren mek Gad dem enimi.

Bot wa unu nuo buot tumaro? Unu no iivn nuo ou unu laif a-go go tumaro. Unu laif komiin jos laik fag. Di fag kom dong fi likl bit, an den az di son kom out so, di fag jos disapier.