Popular Bible Verses from Jiemz 3

Share

Bot unu si di piipl dem we Gad mek waiz, fos ting bout dem, dem aat kliin, dem a no waar-buot, dem kier bout ada piipl, an dem no aad-iez. Dem kwik fi paadn piipl we du dem rang, an dem aalwiez du we rait. Dem no paashal an dem a no ipokrit niida.

Enibadi mongks unu waiz an av sens? Ef unu liv gud, ombl unuself an du wa rait, dat wi shuo se unu waiz.

Jos laik ou wen wan faama plaant gud siid im riip gud krap, a siem so di wan dem we du wa gud an liv iina piis wi mek ada piipl du wa gud an liv iina piis tu. An dat wi kaaz evribadi fi liv gud wid dem wan aneda tu.

Eniwe yu fain piipl we onggl tingk bout demself an we bad main, yu fain chobl, kanfyuuzhan, an aal kain-a wikidnis tu.

Di siem tong we wi yuuz fi priez Faada Gad, a di siem tong wi a yuuz fi kos aaf piipl we Gad mek fi tan laik imself. Di mout we wi a yuuz fi priez Gad a di siem mout wi a yuuz fi kos out piipl. Mi breda an sista, notn kyaahn go so.

Iivn duo di tong a paat a wi badi, it komiin laik wan torbl faiya. It ful op a wikid powa we kyan mes op yu uol laif an put yu iina so moch chobl dat it komiin laik aal el brok luus pan yu, kaaz di tong komiin laik it set pan faiya we kom chriet fram el.

Bot nobadi kyaahn kanchuol di tong. It bizi-badi, wikid an ful-a paizn fi kil aaf piipl. Nobadi kyaahn kanchuol it at aal at aal.

Mi breda an sista, nof a unu no fi ron go chrai ton tiicha, kaaz unu nuo se wi we a tiicha a-go get joj aada.