Popular Bible Verses from Rouman 14

Share

Përché ’l regno d’Iddiou a l è nen nè carn nè bevanda; ma a l è giustissia, pass, e allegria për l’ Spirit Sant. E coul ch’a serv Crist ënt coule cose ënsili, a l è agreabil a Diou, e a l è approuvà dai omini.

Ma sia chë noui aiti i vivou, i vivouma al Sëgnour; o sia ch’i meuìrou, i murouma al Sëgnour: sia dounque ch’i vivou, sia ch’i meuirou, i souma dël Sëgnour.

Ricercouma dounque le cose ch’a van a la pass, e ch’a soun d’una edificassioun mutua.

Giudicoum‐se dounque pi nen un l’aut; ma use pitost dë giudissi ënt sò‐ssi, dë nen butté d’ënciamp o dë scandoul dënans al fratel.

Përché a l è scrit: I soun vivent, a dis ’l Sëgnour, chë ogni gënoui a së pieghërà dënans a mi, e chë ogni lingua a darà lode a Diou. Coussì dounque ciaschedun dë noui a rendërà count për chiel istess a Diou.

Oura, ën quant a coul ch’a l è deboul ënt la fede, i deve ricevë‐lou, e i deve nen avei coun chiel dë countestassioun nè dë dispute.

Chi seus‐tu, ti chë të giudiche ’l sërvitour d’un aut? S’a së ten ferm o s’a brouncia, a l è për so padroun; e ansi a sarà rafermi, përché Diou a l è poutent për rafermi‐lou.