Popular Bible Verses from Rouman 12

Share

E counfourme‐ve nen a coust secoul, ma rifourme‐ve coun ’l rineuvament dë vost intendiment, afinche i preuve qual a l è la voulountà d’Iddiou, bouna, agreabil, e perfeta.

I ve scoungiurou dounque, mei fratei, për le coumpassioun d’Iddiou, ch’i presente vosti corp ën sacrifissi vivent, sant, agreabil a Diou, laqual cosa a l è vost sërvissi rasounevoul.

Ste allegher ënt la speransa; passient ënt la tribulassioun; assidui ënt l’ourassioun

Lassë‐te nen vinci dal mal, ma domina ’l mal për ’l bin.

Essend pourtà për la carità fraterna a voulei‐ve ben a vicenda; prevënand‐ve un l’aut për ounour

Carità sincera. Pie in odio ’l mal, tënand‐ve ëncoulà al ben

S’a l è poussibil, tant coum a dipend da voui, ste ën pass coun tutti i omini.

Vendiche‐ve nen voui aiti istess, o mei carissim; ma de leug a la colera, përché a l è scrit: A mi la vendetta; i la rendëreu, a dis ’l Sëgnour.

Nen essend garg a impiegehé‐ve për ’l prossim; essend fervourous dë spirit; servand ’l Sëgnour.

Oura për la grassia ch’a m’è daita i diou a ognidun tra dë voui, chë nëssun a pretenda d’essi pi savi dë lon ch’a bësogna; ma chë ciaschedun a pensa modestament dë chiel istess, secound ch’Iddiou a l ha coumparti a ognidun la mësura dë la fede.

Restitui a nëssun mal për mal. Sërche le cose ouneste dënans a tutti i omini.

Avend un sentiment ugual i un ënvers i aiti, affetand nen dë cose sublime, ma adattand‐ve a le cose basse. A bësogna nen ch’i sie savi a vost propri giudissi.

Së dounque to inimis a l ha fam, da‐ie da mangé; s’a l ha sè, da‐ie da beivi; përché fasand lon t’ëmbarounëras dë carboun dë feu sù soua testa.

Benedi coui ch’a vë perseguitou; benedi‐ie, e maledi‐ie nen. Ste allegher coun coui ch’a soun ën allegria; e pioure coun coui ch’a piourou

Piand part a le necessità d’i sant; praticand l’ouspitalità.

Përché sicoum i ouma diversi membri ënt un corp soul, e chë tutti i membri a l han nen una stessa founsioun; Coussì i souma moutouben un soul corp ën Crist; e ognidun reciprocament i membri un dë l’aut.