Popular Bible Verses from San Marc 12

Share

E Gesu a l ha rispoundù‐ie: ’L prim dë tutti i coumandament a l è: Scouta, Israel, ’l Sëgnour nost Diou, a l è ’l soul Sëgnour; E t’amëras ’l Sëgnour to Diou dë tut to cœur, dë tutta toua anima, dë tut to pensè, e dë tutta toua forsa. Coul lì a l è ’l prim coumandament. E ’l secound, ch’a l è simil al prim, a l è coust‐ssi: T’amëras to prossim coum ti stess. A i è nëssun autr’ coumandament pi grand chë coui lì.

E Gesu avend ciamà i so dissepoul, a l ha di‐ie: In verità i vë diou, chë coula povra vidoua a l ha buttà dë pi a la bussoula ch’i aiti ch’a l han buttà‐ie. Përché tutti a l han buttà‐ie dë so avans; ma cousta‐ssi a l ha buttà‐ie dë soua miseria tut lon ch’a l avia, tutta soua sussistensa.

E Gesu, essend astà vis‐a‐vi dë la boussoula dë le limozne, a tënia d’ament coum ’l popoul a buttava dë dëne ënt la bussoula. E diversi rich a buttavou moutouben; e a i è vënù‐ie una povra vidoua, ch’a l ha buttà‐ie doue pëcite mounede, ch’a fan la quarta part d’un sold.

E chë d’amé‐lou dë tut so cœur, dë tutta soua intelligensa, dë tutta soua anima, e dë tutta soua forsa, e d’amé so prossim coum se stess, a l è pi chë tutti i olocausti e i sacrifissi.

E Gesu rëspoundand a l ha di‐ie: De‐ie a Cesare le cose ch’a soun dë Cesare, e a Diou coule ch’a soun dë Diou; e a soun rëstà‐ne stupi.