Popular Bible Verses from San Matteo 2

Share

E essend ëntrà ënt la ca, a l han trouvà la masëna coun Maria, soua mare, e a l’han adourà‐lou, campand‐se ën terra; e dop ch’a l han buttà fora i so tesor, a l han ufferi‐ie dë regai, cioè, d’or, d’incens, e dë mirra.

Oura Gesu essend nassù a Betleem sità dë Giuda, dël temp dël Re Erod, a s’è vëdù‐sse arrivé a Gerusalem, dë Magi ch’a vëniou dal Levant, Disand: Doua l è‐lou ’l Re d’i Ebreou ch’a l è nassù? përché i avouma vëdù soua steila al Levant, e i souma vënù a adouré‐lou.

E quand a l han vëdù la steila, a soun arlegrà‐ssëne d’una goi moutouben granda.

E peui essend divinament avërti da un seugn, dë pi nen tourné da Erod, a soun artirà‐sse ënt so pais, për un’ autra stra. Oura artirà ch’a soun stait, eccou, l’angel dël Sëgnour a l è apparëssù ën seugn a Giusep, e a l ha di‐ie: Levë‐te, pia la masëna, e soua mare, e scapë‐te ën Egit, e sta lì fin a tant ch’i të lou dia; përché Erod a sërchërà la masëna për fé‐la meuiri.