Popular Bible Verses from San Giouan 19

Share

E quand Gesu a l ha avù pià l’asil, a dis: Tut a l è furni; e bassand la testa, a l è spirà.

Dop dë lon Gesu savend chë tut a l era già adempi, a dis, për chë la scritura a fussa verificà: I heu sè.

E Gesu vëdand soua mare, e da vësin a chila ’l dissepoul ch’a amava, a dis a soua mare: Foumna, eccou to fieul. E peui a dis al dissepoul: Eccou toua mare; e da st’oura coul dissepoul a l’ha pià‐la a soua ca.

E peui essend vënù a Gesu, coum a l han vëdù ch’a l era già mort, a i han nen rout le gambe; Ma un d’i souldà a l ha përtusà‐ie ’l fianc coun una lansa, e subit a l è surtië‐ne dë sang e d’acqua.

Përché ste cose a soun arrivà për chë sta scritura a fussa verificà: Gnanca un d’i so os a sarà rout; E ëncoura un’autra scritura ch’a dis: A vëdran coul ch’a l han përtusà.

E pourtand soua crouss, a l è vënù al post ciamà la Testa dë mort, e in lingua Ebraica Golgota.

E i souldà a l han fait una courouna dë spine ch’a l han buttà‐ie sù la testa, e a l’han vësti‐lou d’una vëstimenta roussa.