Popular Bible Verses from Atti 11

Share

E avend‐lou trouvà, a l’ha mënà‐lou a Antiochia; e a l è arrivà chë, durant un ann tut ëntreg, a soun radunà‐sse coun la ciesa, e a l han insegnà un gran popoul, dë manera ch’a l è stait prima dë nëssun aiti post a Antiochia ch’i dissepoul a soun stait ciamà Crëstian.

’L qual essend arrivà, e avend vëdù la grassia d’Iddiou, a s’è rallegrà‐ssëne; e a i esourtava tutti dë sté attacà al Sëgnour dë tut so cœur. Përché a l era un om da ben, e pien dël Spirit Sant e dë fede; e un gran numer dë persoune a soun uni‐sse al Sëgnour.

Dounque, da già ch’Iddiou a l ha councedù‐ie un doun simil a coul ch’a l ha councedù‐ne a noui aiti, ch’i ouma crëdù al Sëgnour Gesu‐Crist, chi è‐lou ch’i erou mi, ch’i poudeissou oupoun‐me a Diou? Anloura avend senti coule cose, a soun apasià‐sse, e a l han dait gloria a Diou, disand: Dounque Iddiou a l ha dëcò dait ai gentii ’l pentiment për avei la vita.