Popular Bible Verses from Lukas 6

Share

Borikan apa am dibutuhkan urang bukan, dan kolai akan manarima am kolai butuhkan. Iyah akan dipulang ka kolai lalam jumlah ponuh, dihonya, diguncang honii manamakan lobih banyaa mulaa, dan iyah akan tumpah ka sisi! Ukuran apa jam am kolai gunakan honii mamori banyaa atau kocii-kocii mahonii maukur apa am diborikan mulaa ka kolai.”

Urang am baii maluarkan hal-hal am baii mulaa hatiinya am baii dan urang am jahat mangaluarkan hal-hal am jahat mulaa hatiinya am jahat. Apa am maluar mulaa nyawanya, maluar mulaa hatiinya.”

Sabalinya, kolai sihaa kan musuh-musuhmu dan mangaruh am baii ka rang. Jomikankanlah duwit tampa mangharap balasanya. Sabagai balasanya, Tuhan maha tingii akan mamoriikan kolai pahala am bakah, dan kolai akan baii samahkan Tuhan akan manjadi-Nya Raja atas umat-Nya. Laii Tuhan mampaila kasih karunia bahkan ka urang am hontaa ingat batarima kasih dan jahat.

Honaalah kolai murah hatii, samakan Bapamu jam am ponuh dengan murah hatii.”

“Umet manghakimi supayaa kolai hontaa di hakimi. Dan umet ma hukum supayaa kolai hontaa di hukum, maka maafkan dan kolai akan diampuni.

Yesus malanyutkan pangajaran-Nya dan bapaner: “Itiilah am Ku parahkan ka satiap urang am manongar Aku sihaailah musuhmu, dan mangasihi uras urang am gili kan kolai. Berkatilah rang am manggutu kolai. Dan badoa ka Tuhan akan rang am mampalakukan kolai dengan buru.

Perlakukanlah urang bukan samahkan kolai honaa di perlakukan jam ka rang.”

Jaka urang manampar pipimu sorap kanan, borikanlah jam pipimu sorap kiwaa. Jaka saurang mangalap jubahmu, nauhnya iaa jam mangalap pakaianmu. Jaka sasaurang mamintaa ka kolai borilah; dan Metuh sasaurang maalap sasuatu hompumu, umet mamintanya mulaa.

“Puhun am baii manghasilkan buah am baii, dan Puhun am buru mahahasilkan buah am buru.

Sebab setiap puhun diila mulaa jenis buah am dihasilkan. Misalnya, kolai hontaa maalap buah ara dan anggur hontaa di alap mulaa rumput-rumput baduri.