Popular Bible Verses from Lukas 24

Share

Dan dongarkanlah, Aku akan mautus Roh Kudus am jarii dijanjikan Bapa-Ku ka Kolai. Tatapi kolai manotaplah ka kota Yerusalem sampai kolai diborii kuasa mulaa Sorga homan Allah dan Malaikat-malaikat tingal.”

Yesus hontaa araa ditii. Inya jarii hidup mulaa. Ingatlah apa am Inya parahkan ka kolai uras Metuh Inya masih barotaa kolai urasnya di wilayah provinsi Galilea.

Sakatika iyah jam mata rang dibukakan laii Tuhan dan rang mangerti bahwa Inya araalah Yesus, tatapi sakatika iyah jam Yesus mahilaa mulaa panampai rang. Satelah iyah, bapanerlah rang sutii kan am bukannya: “Bukankah hatii dirii berkobar-kobar metuh Iaa bapaner kadirii. Metuh Iaa mamanerkan ka dirii di jalan dan manjelaskan makna Kitab Suci ka dirii?”

Yesus bapaner mulaa ka rang: “Araa tatulis bahwa Kristus harus mandarita dan bangkit mulaa antaraa urang matii metuh arii ka toluu. Lalam Kitab Suci jam tatulis bahwa murid-murid Yesus, harus mamarahkan pantal itii ka urang-urang, Araa maafkan dosa bagi uras urang am batobat. Rang harus manggabarkan hal itii pertama-tamaa di kota Yerusalem dan kemudian ka saluruh bangsa-bangsa di dunia itii.

Metuh rang jarii damping ka kuburan iyah, rang manyadari bahwa araa saurang am jarii mananarkan batu bakah iyah mulaa pintu tamaa kuburan, dan Metuh rang tamaa ka lalam kubur, rang mailaa tubuh Yesus jarii hontaa araa.