Popular Bible Verses from Lukas 24

Share

Belalu A'ap ley sagar nyiu Roh Kudus tong munan ko, ngunaw ye apu na janyi ene Ma A'ap. Tapi ko harus ngema te bihe, te ja'a ihe, empe Roh Kudus sulet belalu ngokoi tong ka ko kuasa neke surga.”

Yesus apu beloh te bihe leka Da apu bolum li. Ingat se ye na ulek Da tong taka awus ye pas Da kea bolum sendro taka te provinsi Galilea.

Ukah iro dali ketoan nome Da ihe, belalu pas desung iro ade Da jaweh neke pengite dali! Ukah iro dali due bekesituk pede dali: “Aji, ihe lah leka ye kain kesa sanang ye luar biasa ngunaw apui ye waha te suang unuk kain pas Yesus besurah tong ka kain te botuk alan ye ngene kain kate paham ali Firman Tuhan te suang Kitab Suci.”

Pelos Yesus ngulek tong ka dali: “Na'an na tulis te suang Kitab Suci kaye Mesias harus menaya pelos mate, tapi Da sagar bolum li neke antara ulun mate pas te olo ye ketolu. Suang Kitab Suci ade na'an na tulis kaye kawan murid Kristus harus pekempe paket ihe tong ka kawan ulun ali pengampunan dosa tong ka awus ulun ye betobat. Dali harus nyenghabar ihe penela ye te ja'a Yerusalem belalu ukah iro tong awus kawan ulun nete denia ihe.

Pas dali apu empe biduh, dali kite kaye batu ye ngehalang jaweng runa litep lebeng apu be ensor. Belalu pas dali litep tong suang lebeng, dali beloh kite bangkei Tuhan Yesus.