Popular Bible Verses from Lukas 15

Share

Ukah iro da mulik nyeruku ma da. Tapi pas tia iro kea oro ke belai, ma da kite da sulet ma da tekasi neaw anak da iro. Belalu Ma da langsung mensit menok ngukup anak da iro.

Leka anak a'ap ihe ngunaw ulun ye apu mate, tapi nehe da apu bolum li! Da ngunaw ulun jaweh, tapi nehe apu ruku! Ukah iro dali awus ye pe mulai acara ye.

Ulek Yesus: “Ali cara ye sameh, Allah ali kawan malaikat Da sagar ego bene te surga leka erai ti ulun bedosa apu betobat, koe iro sie pulu sie ulun buen bali ye sa parlu betobat.”

A'ap sagar mulik tong runa ma a'ap. Kaye a'ap ruku ali da nene, A'ap ngulek tong da: “Bah a'ap ihe apu bedosa tong ka Allah ali tong ka ko.

Ukah iro, tia iro ngulek tong ma ye, Bah, A'ap apu bedosa tong ka Allah ye te surga ali tong ka ko. Aji: “a'ap ihe sa pantas na ulek ko anak.”

“Misal ye ko be domba jatus ti tapi erai ye jaweh. Ko pasti ngikah ye sie pulu sie ti iro te padang jone ye karing, belalu tulak ngeto domba ye jaweh iro empe ko ruku ye.”