Popular Bible Verses from Pangiraan Suku Israel 20

Share

Jaji mainyum kausana rabarik, poangsi na’an maam nyawana i Yahuwe. Jaji manjarum i Yahuwe lo’a baki’ Musa nanna baki’ Harun, “Na, daiko de’i na’an gugulung kaparasaya’annu lo’ku’. Daiak di’en na’anak awan tauen, bajao’ laanku’. Poangsi laanku’ di’en na’an ipayoang iko di arona tau bayu’en, sampai na’an ilola’ani jaji ikin jarumku’. Ialalo barik di’en daiko na’an kupalaloang mawa lo’a tau bayu’en di’en intama lo’a tana’ kubayaangen lo’da’,” ingka kenang manjarumina i Yahuwe lo’a baki’ Musa.

“Japut dinen tungkaten laloang lamba’ko nanna kakanu i Harun mawa babangkulung lo’a tau bayu’en. Maminna babangkulung tauen manjarumko mameang parinta lo’a batu dinen di aroda’ samuana, laloang to’ daparuar barik lo’in danuma. Na kenang iparuara iko danum dari batuun itiang painyumi lo’da’ nanna ambata gulungan inatangda’,” ingka kenang paba’ina i Yahuwe lo’a baki’ Musa nanna baki’ Harun.

Daangkatang tanganna rabarik, laloang dababalang tungkata lo’a batu dinen. Duang kali dababalang lo’a dinen. Jaji maruar lalo danum bayu’ inang laloang mainyum kausa tau bayu’en nanna inatangda’.

Laloang dasuro’ lo’a tauen bakumpul di biringa batu dinen kole’da’ duaan. Jaji manjarum baki’ Musa, “Taan talinganin samuanin tau malawanen lo’a i Yahuwe! Ai kalo’in? Arungkam paruar danum dari batu di’en itiang lo’in?” ingka kenang jarum arasina.