Popular Bible Verses from Matius 26

Share

“Arungkin manyagai, arung bado'a mainto' na'annin akaru ona' manyuro' alao' lo'a dosaan. Tapat mainya' nyawaka' to' malola'ani panamu maamen. Poangsi alowe' dinen panamu diri'ka'. Badidit malola'aniin. Ialalo arung bayokka' bado'aan,” ingka kenang lo'da'.

Jaji manjarum lo'da', “Daiak nyawaku' di'en laan parasa'anku', awan jalu to' mateenak,” ingka kenang. “Indi'angkin poang maruangiin,” ingka kenang lo'da' taluun.

Jaji lamba', na'an bea bajao' lamba'a i Yesus, dasunsumang lindo'a lo'a tana'en, laloang bado'a, “Ama'e bado'aak, ti' dapat ikapi'ang yang jalu ajau'en to' adariin lo'ku' mainto' na'anna mondok lo'ku', ikapi'ang,” ingka kenang. “Poangsi daiko poang panamunu yang ipakaien. Daiak na'an ipakai,” ingka kenang i Yesus dalam do'ana.

Di'en lalo dara'ku' yang manyautiin lo'a dosana tau bayu'en, yang manatap bayaan,” ingka kenang i Yesus lo'da'.

Jaji angkaan ira inang barik, i Yesus mala dinen rotiin laloang dado'aang. Mamin dinen dabala'-bala', dameang lo'a palola'a. “Na, di'en,” ingka, “roti di'en mantuariku'. Angkaankin,” ingka kenang lo'da'.

Maminna dinen dala sawan dinen, dado'aang. Laloang dapanyorongang lo'da'. “Na, di' angguren di'en,” ingka, “mainyumkin kausanin lo'a dinen.

Mamin dinen rabarik i Yesus mole' lo'da' taluun, tindo' ira. Jaji manjarum, “Asi tindo'in? Ai na'an ikule' ikin maruangi nanku' sajam poang launna?” ingka kenang lo'a i Petrus.

“Manjarumak tapat-tapat lo'in, asel bua' angguren na'anku' lalo mainyum lagi'. Mainyum na'an mainyum tabalikku',” ingka, “mainyum nannin di kangkamanna Ama'ku',” ingka kenang i Yesus lo'da'.

Daiapi dinen parandam barik jaruma i Yesus sijarumanda' dinen lo'a soal to' manasala de'i, “Nampina manunturunguk manuken, daikopi to' mamin talung kali manasalu lo'ku',” ingka kenang dinen. Jaji i Petrus dinen anangis barik, sampai sikuk-sikuk anangisa barik dinen i Petrus parandama lo'a jaruma i Yesus.

“Asadingkin, se'. Tarangkatki', mondok lalo tau to' maduangen lo'ku' mainto' dakule'ku' datingkam kole'a musuku',” ingka kenang i Yesus lo'da'.

Jaji manjarum i Yesus lo'a, “Pole' dinen basinu lo'a awanga. Kosan ratina. Tau yang mayo'ang basiin, din bua yang mateen kole'a basiin,” ingka kenang.