Popular Bible Verses from Di Mulakata 24

Share

Jaji bado’a suro’anen dinen, “O Yahuwe, Alatala yang dasembaan kole’a paraampuanku’ Abraham. Kamase’iak. Suro’ barasel urusanku’ aso di’en. Kamase’i bea paraampuanku’. Payoangjo pangasaangu lo’a,” ingka kenang.

Jaji kenang. Ti’en ona’ manjarumak lo’a anak babainye seraan, Paindorjo dinen jawinu, to’ mainyum danumak, uka’ kenang. Barik dasauti dinen, O’. Mainyumko. Malapang danumakpi. Kupainyumi gulungan untanu, ti’en ingka, inang lalo barik kutamuna pangasaangu lo’a paraampuanku’. Intain poang manyautiin awan dinen, ia dinen ona’ yang itujuangen iko itiang bainyena suro’annu dinen i Isak,” ingka kenang bado’anna suro’anen dinen lo’a Alatala.

Mamin akaus datutul, baki’ Isak dinen mawa lo’a piang Ribka lo’a kakalang palamba’a induna. Jaji siala barik ira. Baki’ Isakpi dinen mangasaang lo’a piang Ribka. Baru’ barik maam nyawana baki’ Isak yang susaan kole’a matena induna.

Kenang bea piang Ribka dinen dado’aang kole’da’, “Muda-muda daiko dapamaam, adi’e sampai bajuta-juta bayu’a anak kanturunannu. Muda-muda kanturunannu manuduki banuana pangayona padari ira ampunaan,” ingka kenang do’ada’ pamaamen lo’a piang Ribka.

“Basumpako atas asanna i Yahuwe, Alatalaka’ yang mangkamen ibona duniaan nanna galung suanen. Daiko na’an pandeko manyari babainye lo’a tau indi’angen di Kana’an itiang bainyena anakku’. Arungko mala bainye lo’a banuaku’, lo’a kawan saparanakku’ itiang bainyena anakku’ i Isak dinen,” ingka kenang baki’ Abraham lo’a suro’anna dinen yang daarapen.