Popular Bible Verses from Palapasang 34

Share

Jaji malaloi ijolona baki’ Musa sarta manjarumang kalena, “Iak lalo di’en i Yahuwe, Alatala yang mangamase’iin, yang palin maamen ateku’. Balaun na’an timbul arasiku’. Palin mainya’ak mangasaang lo’a tauen. Palin dapatak iparasaya’iin,” ingka kenang i Yahuwe jarumanga kalena. “Na’an tapalin pangasaangku’ lo’a tauen baribu-ribu bayu’a. Kuamponi basa ajau’en, ambata basa malawanen, ambata dosaan. Poangsi tau maminen mamola dosaan, na’an kupalaloang. Tetap kudukum dosa tauen sampai mondok lo’a ampuna, sampai mondok lo’a anak ipuit,” ingka kenang i Yahuwe.

Ada’kin manyemba jalu bokanen. Iak poang yang pandeen isemba. Kole’a iak di’en i Yahuwe, Paimboro asanku’. Daikin kusama’ang awan bainyeku’. Mainya’ak maimboro lo’in. Kupase’angkin jaji malola’ lo’a bokanen,” ingka kenang.

Jaji manjarum barik i Yahuwe, “Na, daiak di’en manjarumangak kaputusan bayaku’ kupolaan nannin. Andian jalu kupolaan ona’ ijolona arona urangin samuana, jalu laan-laanen yang na’anen kala’ ipola di negeri tauen kapisi disa-isa inyaunga galung suanen. Maita kausa ona’ ambata tau lalako’ sibiringanen nannin. To’ datamu karajaku’ i Yahuwe yang itiang manggulungi lo’u ambata karaja yang palin manyuro’ tatakauen.