Popular Bible Verses from Palapasang 20

Share

“Iak lalo di’en i Yahuwe, Alatala yang isembaan ikin. Iak lalo yang mawaan lo’in minsaluan dari negeri Mesir, yang mamasutangen lo’in lo’a karaja pangkamen. Ada’ andian jalu bokanen lo’ku’ yang isembaan ikin, ingka kenang.

“Ada’ polaanga kalenin jalu isembaan, kapi balu’ ai batora. Kapi balu’ jalu di suanen ibo, kapi balu’ jalu di tana’en inyaung, kapi jalu di danumen ilalam tana’en, na’an pande itiroi mamola jalu isembaan. Ada’kin tunduk lo’a, ada’kin mangalongen lo’a. Kole’a iak di’en i Yahuwe Alatalanin paimburoak. Kupase’angkin lo’a jalu isembaan bokanen. Kubalas iak kajau’an tau mangalibakangen lo’ku’ mondok lo’a anaka, mondok lo’a ampuna, mondok lo’a anak ipuit.

“Padulikin lo’a amanin, padulikin lo’a indunin mainto’ balangkena tio’in di tana’in ona’, tana’ kumeangen iak i Yahuwe, Alatala yang isembaan ikin, ingka kenang.

“Adat aso katujuun ada’ lilu’a ikin. Samua parinta aso Sabaten arung ilola’ani, ilaanang lo’a aso bokanen itiang parandam lo’ku’.

“Asanku’ i Yahuwe Alatalanin na’an pande iasan iala palulu’an. Tetap kudukum tau masanen asanku’ mala palulu’an, ingka kenang.

Anam aso launna pandekin bakaraja, sukup itiang mangausang karajanin. Poangsi aso yang katujuun dinen mamin ilaanang itiang lo’ku’, aso sangarianen. Aso dinen na’ankin pande bakaraja. Maam ikin, maam anakin babaka babainyeen, maam suro’annin babaka babainyeen, maam inatangin, maam bea tau asingen yang lalako’en nannin, samuana kupase’ang bakaraja di aso katujuun.

“Ada’ mangaingini jalu tauen. Maam saona, maam bainyena, maam suro’anna babaka babainyeen, maam sapina atau keledaina atau ai poang yang mamin tauen ampunaan, ada’ ikainginina,” ingka kenang parinta ukuma i Yahuwe lo’a urang Israelen.

“Ada’ mawa saksi panganung-anungen, yang manyopoon lo’a tauen, ingka kenang.

“Ada’ manyiuken.

“Ada’ mauno’en.

“Ada’ mangaliten.