Popular Bible Verses from 1 Korinti 13

Share

Mar dio cunye, daŋ akica; mar mom anyeko, mom wakere; mom yon, mom tio gin a mom myero, mom yenyo gin a tiko kome kene; yie mom kec, mom kwano gin arac ame otimo i kome

Mar dio cunye i jami luŋ aluŋa, ye kop ducu, tye kede gen i kare luŋ, kanyakino i jami luŋ.

cunye mom bedo yom i tim a mom atira, ento cunye yom i kop me ateni.

Doŋ ba, gin adekki bedo atwal; iyee, gen, mar; ento en a pire dit a katogi luŋ, en mar.

Mar mom gik; dwaro piny bino tum oko; kadi dumo leb bino gik oko; kadi ŋec bino tum oko.

Aman doŋ amito nyuttiwu yo a dok ber kato. Ka adumo i leb jo kede me omalaika, kun mom atye kede mar, abedo bala olaŋ a kok, kakaŋ a kok aloŋo.

Ka arabo kop Obaŋa acalo adwarpiny, kun aniaŋ i muŋ luŋ, daŋ atye i ŋec luŋ, dok ka abedo kede iyee ducu, ame aromo kobo kiddi adoŋo kan ocele, kun mom atye kede mar, an mom a ginnoro.

Ka apoko jami luŋ ame atye kede, ame daŋ ajalo koma me waŋ kede mac, kun mom atye kede mar, mom konya i ginnoro.

A rik an atin, akobo bala atin, aparo bala atin; aman a doŋ ateggo-ni, doŋ atyeko weko kite me tino.