Popular Bible Verses from 1 Korinti 12

Share

Dano acel acel tye anyut me cuny ame konyo lwak.

Doŋ ba, wun luŋ ibedo wunu kom Kricito, dano acel acel en dul kom Kricito.

Ka dulloro acel arem, dule kom acele daŋ rem karacel kede; ka opako dul acel, dule ocele-gu daŋ notte ilelo kede.

Cuny mio dano acel kwena me ryeko; en Cuny acel-lu mio dano ocele kwena me ŋec. En Cuny acel-lu mio iyee baŋ ŋat ocele, i baŋ dano ocele en Cuny acel-lu mio mot me caŋo jo; baŋ ŋat ocele en mio mot me tiyo ginawura, baŋ ŋat ocele rabo kop Obaŋa acalo adwarpiny, baŋ ŋat ocele ryeko me poko i kin cuny apapat, baŋ ŋat ocele dumo leb apapat, baŋ ŋat ocele ryeko me gonyo leb apapat.

Cite en Cuny acellono en a tio tic i mot magi luŋ; en poko mot apapat baŋ dano acel acel acalo en mito.

me wek apokapoka bed mom i kom, cite me dul acel acel par pi dul wadgi.

Mot tye a kwongi papat, cite Cuny gire tye acel. Tic tye a kwongi papat ame otio pi Rwot, ento Rwot tye acel. Teko Obaŋa tio i yo apapat, cite en Obaŋa acellono en ame tio i yore luŋ i jo luŋ aluŋa.

Cite Obaŋa doŋ oketo jo magi i lwak jo oye Kricito: me agege okwena, me aryo mere odwarpiny, me adekkere opwony, kede dok jo a tio ginawura, lubere kede jo ame omiogi mot me caŋo jo, jo a tio tic me konyo jo, jo a romo loyo tic, kede a dumo leb apapat.

Pien kom dano mom tye iye dul acel, ento tye iye dul apol.

Akaka mannono, dule maka me kom ame otamo ni goro mitte meicel

Ka kono kom luŋ obedo waŋ, kara kono cwinyo kop iŋo? Dok kono kom luŋ obedo yit, kara kono eŋweo niŋo? Cite kite a tye kede ni, Obaŋa doŋ oketo dul apapat i kom, dul acel acel acalo en mito. Ka kono gin luŋ obedo dul acel keken, kom kono obedo kwene?