Popular Bible Verses from Rômə 12

Share

Nyí sí nan líbá lí baʼ bá nkínshíyə, ndé nyí máku Dyǔ lí pəlán milə́m mí nyə álí bwə nána nyí wɔ́ŋ ɛləm ɛ́ kɔ́nə́. Ɛ́yî ɛ́ bwə̌ nyí sɔ́ntan ti nyí nǎn mísam ámə́ Dyǔ lí saní. Nyí bí wulɔʼ, nyí bí misam ámə́ mí bwə Dyǔ lí wú munyɛŋgɛ, na nyí bí misam ámə́ mí tɛ́ŋgɛ́ní.

Áfánikə̌, bǎn-bá-nyǎ bá myə, á ɛ́tútú likini lí nlə́m lí Dyǔ á sɛ́, nǎn yɔ́m nyə́ nána nyí bá ngə jabeya álə́ lí dí lúŋgɛ́. Jabeya lín lí lɔ́lí ɛ bá wusáŋgí, álə́ Dyǔ lí kásíní. Ɛ́yínán yɔ́ ɛ́ saki na nyí kɛsí Dyǔ.

Mɔʼ na mɔtɛ́ a bán nlə́m m mɔ á Dyǔ, lí panan wə̂ munyɛŋgɛ. Mɔʼ na mɔtɛ a tfûl nlə́m á mútaka ámə́ a díní átin. Mɔʼ na mɔtɛ́ a tfûl nlə́m m mɔ á makáni.

Nyí si makú wubî wú dyɛ́lɛ́ nyə́. Ndé wulɔʼ wú nyə wú túm wubî.

Mɔʼ na mɔtɛ́ a nə̂ŋ mwǎn-n-nyǎ m mɔ na nlə́m nsə́sə̌n. Na mɔʼ na mɔtɛ́ a wɔ́ŋ ɛdúbɛ́ á mǎ-nyǎ m mɔ litúm ngə á bəní á mɔ́mə̌n.

Mɔtɛ́ a lúfú ɛniŋgán na mbálɛ á baʼ. Mɔtɛ́ a kfwɛ̂ ɛbə́ŋtí. Mɔʼ na mɔtɛ́ a shûm makwi má mɔ áshí álí bwə nsam m mbâ.

Mɔʼ na mɔtɛ́ a sa nji álí bá musaŋgu na mɔʼ ansə́sə̌n.

Basún bá myə, njí mɔʼ a bwəlí nyə́ wubî nyí si timbí bɔ́ wubî. Ndé nyí máku Dyǔ lɔ́mə̌n lí kɔ́ksɛ bɔ́. Nǎn byá nâ á ɛ́tútú nána ɛ́ tílání á kâti ɛ Dyǔ nána, Dyǔ lí byábí nána, “Mi nǎn timbí wúbî á mɔʼ awə̌ a bwəlí wubî. Mi Sáŋgúwə́ miyə́ nǎn byá.”

Mɔʼ na mɔtɛ́ a wɔ́ŋ nlə́m ámə́ n kpútí álí bwə ɛbulú. Mɔʼ na mɔtɛ́ a wánan álí bwəlí Dyǔ na nlə́m m mɔ nsə́sə̌n.

Á ɛ́tútú ɛ́ nsimá ámə́ Dyǔ lí mə́ní mi ɛ bə̌, nǎn pɔ̌ŋ nyə́ mɔʼ na mɔtɛ́ nána, ɛ si kaní nána wə ɛ dí litúm yə̌ ɛ́yə́ ɛ díní. Mɔʼ na mɔtɛ́ a nûŋ nyǔ ngə a díní. Mɔʼ na mɔtɛ́ a mín nyǔ ɛ́ mɔʼ na jabeya álə́ Dyǔ lí bə́kíní mɔ́ ngə mɔʼ awə̌ a dúbɛ́.

Njí mɔʼ a bwəlí nyə́ wubî, nyí si timbí mɔ́ wubî. Nyí wánán álí bwə̂ misam ámə́ mɔʼ ansə́sə̌n á mín ní nána mí dí bwǎm.

Nyí bá nsu nfɔ́ na nyə́mə̌n. Nyí si pusí nyǔ ɛ́ nyə. Nde nyí bá lisún na baʼ ábə́ bá shiyǎ ká yǔm. Mɔʼ ká nfɔ́ a si kaní nána a kínjú jǐta.

Ɛ́ tílání á kâti ɛ Dyǔ á fǔm búpə́pə̂ nána, “Njí mɔʼ a ɛkfwɛyí n wə ǎ jǐ njɛ, bə mɔ́ lidyá. Njí ǎ wú sə́m, bə mɔ́ yǔm ɛ́lí mwá. Njí nyí bwə́lí nâ, ɛ̌ bwə bɔ́ bá wú wúsɔ́n, na bá sǎ nji álí pəlan.”

Nyí káni á Dyǔ nána lí námsɛ baʼ ábə́ bá takí nyə́. Nyí kání na bá si kwisí ɛ́bómán ndé nyí káni nána Dyǔ lí námsɛ bɔ́ wɔ̂. Nyí wú munyɛŋgɛ na baʼ ábə́ bá wú múnyɛŋgɛ. Nyí lɛ́bɛ na baʼ ábə́ bá lɛbɛ.

Kǎʼ yə̌ ɛ́yə́ ɛ wɔ́ŋíní na bǎn bá nyǎ bá wə á Krísto ábə́ bá sa. Kasí bakən na wulɔʼ wú nlə́m.

Nyǔ ɛ mɔnyuŋ ɛ dí pɔ́, ɛ wɔ́ŋí bikisá na bikisá, na ɛkisá tɛ́ ɛ́ wɔ́ŋí ɛbulú ɛ́ mɔ. Mulimlim nâ ɛ́ díní na sə́ baʼ bá Krísto. Sí bwí átin ndé sí dí nkunyǔ nfɔ́ na Krísto, na mɔʼ na mɔtɛ́ a shiyǎ na mɔ́mə̌n.