Popular Bible Verses from Rômə 11

Share

Dyǔ lɔ́ lî n wikí byə̌m bísə́sə̌n. Á ɛ́tútú ɛ́ mɔ yɔ̂ byə̌m bísə́sə̌n bí díní. Na lɔ́ lí wɔ́ŋí byə̌m bísə́sə̌n. Wulɔʼ wú bá na Dyǔ á bwindeya. Ɛ́bánâ.

Nyí mín ngə Dyǔ lí díní wudi! Lí bí misam mísə́sə̌n na lí kínjú jǐta. Mɔʼ ká nfɔ́ a tíŋganiyǎ ɛ́ sɔ́ntan ngə Dyǔ lí bwəní misam. Mɔʼ ká nfɔ́ a tíŋganiyǎ ɛ sɔ́ntan nyay ɛyə̌ Dyǔ lí bwəní misam.

Ɛ́ tílání á kâti ɛ Dyǔ nána, “Njá a tiŋgání ɛ́ bí likani lí Dyǔ? Njá a tiŋgání mɔ́ ɛ bə máléyá?

Nâ ɛ́ díní ká sɔnsɔ́nǎn, ngushu ɛ́ bâ bá Ísrɛl bá dí wɔ̂ ábə́ Dyǔ lí pwɛ́síní na nsimá m mɔ. Lí pwɛ́sí bɔ́ á ɛ́tútú ɛ́ nsimá m mɔ, suká á ɛ́tútú ɛ́ misam ámə́ bá bwəní. Njí Dyǔ lí bílí ɛ pwɛʼ baʼ á ɛ́tútú ɛ́ bibulú bí bɔ, ní suká na nsimá m mɔ́ lí pwɛsíní bɔ́.

Bá kú mílâʼ mí ɛ́ju ɛ́ bwə̌ ɛ́ ólivə ɛ́yə́ bá wúníní, ti bá bándí yɔ́ á ɛlâʼ á ɛ́ju ɛ́ bwə̌ ɛ́ ólivə ɛ́yə́ ɛ́ kɔ́lí á ndfukú. Nyə́ baʼ ábə́ nyí shiyǎ baʼ bá Júda, nyí dí ngə milâʼ mí ɛ́ju ɛ́ bwə̌ wú ólivə ábə́ mí dí á ndfukú ámə́ mɔ́ pə́ mí kwisí madí ámə́ má fí á míkaŋgá mí ɛ́ju ɛ́ bwə̂ ɛ́yî. Áfánikə̌, nyí si pusí nyǔ ɛ́ nyə ti nyí tátí milâʼ mípə́pə̂ ámə́ bá kúní ngə mí shiyǎ ká yǔm. Njí nyí púsí nyǔ ɛ́ nyə, nyí si yasán nána suká nyə́ nyí wálí míkaŋgá ndé mikaŋgá mɔ mí wálí nyə́.