Popular Bible Verses from Jɔnə́ 17

Share

Bwəlán mbálɛ ɛ́ wə nána bá púl wə ɛ bwəlí, ɛyala ɛ́ wə ɛ́ dí mbálɛ.

Luŋgɛ́ álə́ lí sə̌ ɛ́ mɛ lí dí naná baʼ bá bî wə, wə awə̌ ɛ dí Dyǔ lí mbálɛ, na álí bí Yésu Krísto, awə̌ ɛ lúmíní.

N sə̌ ɛ́ kání wə̂ á bawútú bá myə, ndé nǎn kání pə́ á baʼ ábə́ bá dúbɛ́ mî á ɛ́tútú ɛ́ misam ámə́ bá wúkíní á bɔ́. Nǎn kání nána bɔ́ baʼ básə́sə̌n bá bá mɔʼ nfɔ́. Sáŋ, bɔ́ baʼ básə́sə̌n bá bá mɔʼ nfɔ́ mulimlim ngə sî wə sí díní. Bá bá mɔʼ nfɔ́ nána nkínshíyə n dúbɛ́ nána wə́ ɛ lúmí mî.

N sɛ̌ ɛ́ byá nána ɛ fúl bɔ́ á nkínshíyə ndé nǎn byá nána ɛ kɔ́ŋgɔ bɔ́ álí bwə nána Mɔʼ a Mbî a si bwə bɔ́ wubî.

M mə́ bɔ́ ɛ bə́ wulɔʼ ábə́ ɛ bə́kíní mi. N bəkí bɔ́ nána bá tíŋgání ɛ bá mɔʼ nfɔ́ mulimlim ngə sî wə sí díní. N dí mɔʼ nfɔ́ ná bɔ́, na wə pə́ ɛ dí mɔʼ nfɔ́ na mi. Ɛ́yínán ɛ́ bwə nána bá bá mɔʼ nfɔ́ na mbálɛ. Bá bá mɔʼ nfɔ́ na mbálɛ nána nkínshíyə n bî nána wə́ ɛ lúmí mi, na bá bí pə́ nána ɛ nə́ŋí bɔ́ mulimlim ngə ɛ nəŋíní mi.