Popular Bible Verses from مَتّی 24

Share

شِرارَت انقد زیاد مِشهَ که مُحَبتِه خیلیا وِ هَم سَرد مِشَه . امّا هرکَه تا آخِر طاقت بیارَه نِجات پیا مُکُنهَ.

وَ ایی خَوَرِ خوشِ پادشایی دِ سَراسَر دُنیا اعلام مِشَه تا تَمامِ مِلَتا اَ او وا خَور بان،اوسِه دنیا وِ آخِر مِرَسَه.

هَمیجور دِبارَ جنگا مِشنوئید وُ خَوَرِ جَنگا وِ گوشِتو مِرِسَه . امّا پَریشُو نَوایید وِرَ ایکه اینا اتفاق مِفتَه، امّا هَنی آخِرِ کار نَرَسِسَه.

مِلَتی وِ ضِدِ مِلَتِ دیَر وُ مملِکَتی وِ ضِدِ مملِکَتی دیَر وُرمیسَن. وُ قَحطی آ و زِمی لَرزیا دِ جایا جور وا جور اِتِفاق مِفتَه. امّا همه اینا فقط شروع دردِ زایمانَ.

آسِمُونُو زِمی اَ بین مِرَ امّا صُوَتا مَه هوچ وَخت اَ بین نِمِرَ.

وِرَ ایکه خیلیا وِ اسم مَه میان وُ مُوئَن: ”مَه مسیحِ موعودِم،“ وُ خِیلیانِه اَ را وِ دَر مُکُنن.

دِ او زِمان شُمانِه تسلیمِ دُشمَنا مُکُنن تا عذاوِ زیادی بُوینیید وُ شُمانِه مُکُشَن. تَمام مِلَتا وِرَ خاطرِ اسم مَه اَ شُما نفرت پیا مُکُنن. دِ او روزا خِیِلیا اَ ایمان خُیِشُو وُرمیَردَن وُ وِ هم خیانت مُکُنن وُ اَ هم نفرت پیا مُکُنن. انبیا دُورویی زیادی وُرمِیسَن، وُ عدۀ زیادینِ گمرا مُکُنن.

عیسی وِشو گُفت: «حَواسِتو با تا کِسی شمانِ اَ را وِ دَر نَکُنه.

پَ شُمانَم آمادَه باید وِرَ ایکه پسر انسان دِ ساعتی میایَه كه انتظارِشِه نَرید.

پَ حواسِتُ با، وِرَ ایکه نِمِنید خداوندِ شما چِه روزی میایَ.

اَما دِبارَه او رُوز وُ او ساعَت وِ شما مُوئِم که هوشکَه جُز بُوآ، او روز وُ ساعت نِه نِمِنَه حتی فِرشته آ آسِمو وُ حتی پسر هم اَزِش خَوَر نَرَن.

وِرَ ایکه خیلیا اَ دُرو وِ اسمِ مسیح وَ یا انبیا وُرمیسَن، مُعجِزات یا نشونه آ بزرگی وِ ظُهور میارَن تا اَیَر بَتونَن حَتی بَرگُزیدآ نَم گمرا کُنن.

زِمانِ آمییَن پسر انسان، مِثِ روزگار نوحَ، دِ روزای قبلِ توفان قبلِ ایکه نوح بَرَ مین كَشتی مَردِم مِخوردِن وُ مِنوشین وُ زَ می‌رفتِن وُ شویَر مِکِردن . وُ نِمِنِسِن چی دِ پیشَه. تا ایکه توفان آما وُ هَمَه نِه وا خُیِش بُرد. آمیَنِ پسر انسان هم هَمیجور مِشه.