Popular Bible Verses from مَتّی 2

Share

هَمی که آمان مینِ خونَه وُ بَچَه نِه واردِ نِنَش مریم دیِیِن، رو دِ زِمی هَشتِن، او بَچَه نِه پَرسِش کِردِن.اوسِه صَنوقچِه آ خُیِشُونِه وا کِردِن وُ پیشکشیا، طِلا، كُندُر وُ مُرنِ وِ اونا تَقدیم کِردِن.

عیسی دِ زِمانِ سلطَنَت هیرودیسِ پادشا دِ بِیت‌لِحِم دِ وُلاتِ یهودیَه وِ دنیا آما، دِ او مِوقَع چَنتا مُغ که آیِما خیلی حَکیمی بییِن وُ دِ سِتارَ شِناسی سَر رِشتَه داشتِن اَ سَر زِمینِ شرق وِ اورشَلیم آمان. وُ پُرسییِن: «او بَچَه که دِ مقامِ پادشا یهودیا وِ دنیا آمییَ کجانَ؟ وِرَ ایکه طُلوعِ سِتارَ اونِه دِ مشرق دی یِیمو وِرَ پَرَسِشش آمی یِیم.»

اونا وا دییِن سِتارَ خیلی خوشال شوئِن.

وُ وِرَ ایکه دِ خِوُ وِاونا گُفته شیَ ویی كه وَرِ هیرودیس وُرنیَردَن اَ را دیَری وِ سَرزِمینِ خُیِشُو وُریَشتِن. بَعدِ رفتَن اونا، فرشتَه خداوند دِ خِوُ وِ یوسف ظاهر شد وُ گُفت: «وُری، بَچَه وُ نِنَشِه وُردارُ وِ مصر فِرار کُ وُ دِ اونچو بَمُو تا که وِت خَور بَیِم، وِرَایکه هیرودیس دِ دُمِ بَچه میَرده تا اونِه بَکُشَه.»