Popular Bible Verses from لوقا 3

Share

وَختی که مَردِم همه تعمید میرفتِن وُ عیسی هَم تعمید گرِفته وی وُ دعا مِکِرد آسِمُو وا شُد، وُ روح‌القدُس وِ شکلِ جسمانی، مِثِ کَفتری نِشِس روش وُ صدایی اَ آسِمُو وُریسا که: «تو پسر عزیز مَنی. وُ مَه ازِت راضیِم.»

جُواو یحیی وِ همه شو ایی بی: «مَه،شما نِه وا اُو تعمید مییِم اما یکی قَویتَر اَ مَه میا که مَه حَتی قابِل نیسِم بَنِ اُرسیاشِ وا کُنِم. او شما نِه وا روح‌القدُس وُ آتِش تعمید مِییَه.

پَ تُوبَه خُیِتو نِه وا کِردار وُ رَفتارِتُو، نِشُو بَیید وُ وَرِ خُیِتو نُوئید: ”بوآَ ایما ابراهیمَ.“ وِرِ ایکه وِ شما مُوئِم، خدا مِتُونهَ اَ ایی سنگا وِرَ ابراهیم بَچِه آیی دُرُس کُنَه.

همی الانَم تیشَه وِ ریشَه‌ دِرَختا هَشته شیَ. اَ ایی رو هَر درختی كِه میوۀ خو وِ وار نیارهَ مِوُرَیهَ وُ دِ آتِش اِناختهَ مِشهَ.»

هَموجور که دِ ایی بارَه دِ کِتاوِ اِشعَیای نَبی آمییَ که: «دُنگِ اونِی که دِ بیاوُو حَوار مُکُنهَ راءِ خداوند نِه آمادَه کنید! راآی اونِه هموار کُنید تمام دَرِّه آ پر وُ تمام کُوآ وُ تَپِه‌آ یه دَس وُ هَموار مِشِن . را آ کَج راس وَ را آ چالَ پولَه،صاف مِشَن. اوسِه تمامیِ بَشَر نجاتِ خدا نِه مُویینَن.»