Popular Bible Verses from مَتّی 7

Share

بِخوان، که مِنَ بینِتُون؛ بِجورِن، که پیااَ مَکِ‌إینُون؛ بِکواِن، که درَ وَریتُون وازَ مُاو.

چیکِ هر که بِخوای، وَدَسَ ماری و هر که بِجوری، پیااَ مَکِ و هر که بِکواِئی درَ وَری‌اِئی وازَ مُاو.

پس هر که اِئی قِصَلِمَ بِشنِ وَآنَ عمل کِ، مِثادِ پی‌یااِ دُونااِئی کَ که پِ مالِ گُوژیَ وَری تختَه سنگی آاُوتیِ.

پس وَگَردِ مردم هرَجورَ رفتار کَن که مَخواینُون اَگَردِ هُمِ‌إیژ رفتار کَن. یَسَ خلاصَه تورات و نیوِیشتَلِ پیغمبرَل.

امّا تنگَ اَ درَ و سختَ اَ ریَ که آخِریَ مَرَسیَ زندَگی، و کسَلی که اَوَ پیااَ مَن، کَمِن.

اَژ درِ تنگ بورِنَ نُمِ، چیکِ وِشایَ اَ درَ و پیَنَ اَ ریَ که آخِری مَرَسیَ نابودی و فِرَ کسَلی هَن که مانَ نُمِ اَوَ.

اِسگَ اَگَر هُمَ که شَرَبارینُون، مَزانینُون که چُطِر وَاُویلَلِ گُوژِتُون خَلئَتی خو با بِ‌إینُون، چَنی بیشتِر بُاواَ هُمَ که هُاواَ نُمِ آسِمُون چیَلِ خواَ مَبَشقیَ آنَلی که اَژِنی بِخوان.

«قضاوت نَکَن تا وَهُمِ‌إیژ قضاوت نُاو. چیکِ هرَجورَ که وَآیمَلِ تِرِك قضاوت بِکِ‌إینُون، وَهُمِ‌إیژَ قضاوتَ مُاو و وَهر پِئمُونَه که مَپِئیمُونِن، اَرا هُمِ‌إیژ پِئمُونَه مُاو.

امّا هر که اِئی قِصَلِمَ بِشنِ وَآنَ عمل نَکِ، مِثادِ پی‌یااِ نادُونی کَ که پِ مالِ گُوژیَ وَری شین آاُوتیِ.

اَراچَ پَلِ کیَه نُمِ کَمِ بِراتَ مِ‌إینین، امّا تیرِ چواِئی که نُمِ کَمِ گُوژِت دیرین، تشقیص نِمِ‌إین؟ یا چُطِر مِتِنین بوشینَ بِرات، ”بیلَ تا پَلِ کیَه اَنُمِ کَمِت بارِمَ دَشت“ وخدی تیرِ چواِئیَ نُمِ کَمِ گُوژِت دیرین؟

اَژ پیغمبرَلِ دُرُوزِن دیر بین. آنَ نُمِ جِنِکِ میَ مانَ لا هُمَ، امّا باطنِن گرگَلِ درَندَن. آنَلَ اَژ میوَلِنَ مَشناسینُون. آیا اَاُنیر اَژ بِتَه خار و انجیر اَژ علف هرز مَچِنِن؟

پس هریجورَ، هر دارِ خواِئی میوه خواِئی ماری، امّا دارِ گَن میوه گَنَ ماری.

دارِ خو نِمِتِنی میوه گَنی بِ، و دارِ گَنیژ نِمِتِنی میوه خواِئی باری.

هر داری که میوه خواِئی ناری، مِرِنی و مَکِ نُمِ آگِر.