Popular Bible Verses from مَتّی 16

Share

اِیندا ری کِردیَ شاگردَلَ و فِتی: «اَگَر کسی بِخوای اَژ دُمِ مِ بای، با گُوژیَ حاشا کِ، صلیبِ گُوژیَ بِگِریَ کول و اَ تورِ مِ بای.

مِنیژَ موشِم که تو پطرسین یعنی کَمَر، و مِ ریِ اِئی کَمَر، کلیسا گُوژِمَ مُاوژِم و دروازَلِ جَندِم وَبینی پیروز نِمِن.

کیلیلَلِ پاتشاهی آسِمُون مِمَ بینِت. اَچیکِ ری زمین بِ‌إنین، نُمِ آسِمُون بَسَ مُاو و اَچیکِ ری زمین وا کِ‌إین، نُمِ آسِمُون وازَ مُاو.»

چیکِ هر که بِخوای گُونِ گُوژیَ نجات بِ، اَوَ اَژ دَسَ مِ؛ امّا هر که اَراخاطرِ مِ گُونِ گُوژیَ اَژ دَس بِ، دُوارَه اَوَ ماریَ دَس.

اَرا انسُون چِ فایدَه دیری که گِشتِ دینیا بیَری، امّا گُونِ گُوژیَ بِبازی؟ انسُون جَمَزِ گُونِ گُوژ چَ مِتِنی بِ؟

عیسی پِرسیتی: «هُمَ چَ موشینُون؟ وَنظر هُمَ مِ کیِم؟» شَمعون پطرس جواُو داتی: «تو هرَ مسیحین که با بای، کُرِ خدااِ زِنی!»

عیسی فِتی: «خَشالَ بینِت، اِ شَمعون، کُرِ یونا! چیکِ اِئی حقیقتَ گوشت و خُوین اَرا تو آشکار نَکِردیِ، بلکم بُاواَ مِ که نُمِ آسِمُونَ یَ آشکار کِردی.