Popular Bible Verses from مَتّی 13

Share

امّا تُمی که نُمِ زمینِ خو کاشتِنَ کسی کَ که کلومِ خدااَ مَشنِ و اَوَ مَفهمی. اَ آیمَ حقیقتاً مَنیشیَ بار و صد، شَص یا سی بِرابر ثمرَ ماری.»

تُمی که کَتیَ نُمِ دِرِکَل، کسی کَ که کلومِ خدااَ مَشنِ، امّا دلواپَسیَلِ اِئی دینیا و فَنی که مالِ‌مِنال وَانسُونَ مِ، اَ کلومَ خفَه مِ و بی‌ثمرَ مَکِتی.

وخدی که کسی کلومِ پاتشاهی آسِمُونَ مَشنِ امّا اَوَ درک نِمِ، اَ شریرَ مای و اَچیکِ نُمِ دلِ اَوَ کاشتِنَ، مَدُوزی. یَ هرَ تُمی کَ که کَتَ نُمِ ری.

امّا تُمی که کَتیَ ری زمینِ پِر بَرد کسی کَ که کلومِ خدااَ مَشنِ و هرَلَزَ اَوَ وَشادی قبولَ مَکِ، امّا چیکِ اَگُوژی ریشی نِری، فَقَد یِ قِری طاقتَ ماری. وخدی که اَرا کلومِ خدا، نُمِ سختی یا عذُو بو، هرَلَزَ اَژ ایمُونَ مَکِ.

پاتشاهی آسِمُون مِثادِ گنجی کَ که نُمِ دلِ زمین پنهُونَ و آیمی اَوَ پیا مَکِ، دُوارَه قایمَ مَکِتی وَ اَژ خوشی مَچو و اَچیکِ دیری، مَفروشی و اَ زمینَ مَخِری.

امّا باقی تُمَل کَتِنَ ری زمینِ خو و نیشتِنَ بار: قِری صد بِرابر، قِری شَص و قِری سی بِرابر بین.

بیلِن هر دِك تا زمُونِ دِرِ سِز کَن. اِیندا موشِمَ دِرِکَرَل که اوّل علفَلِ هرزَ جمع کَن و اَرا سُوزُونِن بافَه کَن، اِیندا گَنِمَلَ جمع کَن، بارِنَ نُمِ اَمبارِم“»