Popular Bible Verses from 2 EEHAMBA 6

Share

Ndele Elisa okwa indila ndele ta ti: “Omwene, pashukifa omesho aye, opo a mone ko.” NOmwene okwa pashukifa omesho omupiya waye, ndele ta mono ko, ndele divadiva, omhunda aishe i yadi eenghambe nomatemba omundilo, a dingilila Elisa.

Ndelenee ye ta nyamukula: “Ino tila. Osheshi ava ve li pufye ovahapu, ve dule venya ve li puvo.”

Ndele ongula inene eshi omupiya womulumenhu waKalunga a penduka ndele ta piti mo, tala, oshilando sha kondekelwa keenghambe nokomatemba oita. Nomupiya waye ta ti kuye: “Akutu omwene wange, ohatu ka ninga ngahelipi?”

Ndele Ovaarami eshi ve uya kuye, Elisa okwa indila kOmwene ndele ta ti: “Denga ovanhu ava noupofi.” Ndele Ye okwe va denga noupofi pandjovo yaElisa.

Nomulumenhu waKalunga ta pula: “Osha wila peni?” Ndele winya eshi e mu ulikila onhele, ye okwa teta oshiti nokwe shi ekela momeva, noshivela sha djuuka mo.

Ndelenee fimbo umwe ta ke omuti, oshivela osha wila momeva; ndele ye ta ingida ta ti: “Akutu, omwene wange. Sho kasha li shange!”

Ndele ye ta ti: “Shi kufa po!” Nokwa nana eke laye ndele te shi kufa po.