Popular Bible Verses from दिस.वचन 6

Share

ईङ नजाईर लाईङ, आउर नेल लाईङ ची मियांड ससांग रंग लकान घोंड़ा एदानिया आउर हुनी आला नुमू मराईन हेके, आउर होना तयोम-तयोम पताल एदनाआ, आउर हुनी के धरती रेनअः चाईर हिसा मेसे मि हिसा रे नोःआँ हक एमा लियाकु, ची तलवाईर, आउर आकाल, आउर मारी, आउर धरती रिनकु बुरु जनवर तरअः होड़कु के गोएःग कु।

आउर ईङ आला मेःड मड़ांग रे मियांड पुँड़ी घोंड़ा नेल नेनाय। जे हुनी रे देःग उनी आअसार साःब उनी थिनाय, हुनी आअसार इदी थिलाआय। हुनी के मियांड मुकूट एमा लियाकु आउर हुनी जीताअ लःअय जीताव यअते उडुंग नेनाय।

हुनी पाचवाँ मरका के खोलाव लःअय, दो ईङ बिदी रेनअः लतार रे हुंकू आला जीव के नेल लाईङ, जे परमेसर आला बचन रेनअः चलते आउर होना गोवाही रअः चलते जे हुंकू एम ताही लअकु के गोएःग थिलकुआकु।

हुंकू जोर से हकाव केते कंहड़ी लअकु, “ए गोमके, ए पबितर आउर सचाई आम ओका हिला जगुत एरोम नेयाया? आउर धरती रे ताहिनोअ कु तरअः आले आला मयोम रेनअः बदला ओका बेरा जगुत एरोम इदिया?” हुंकू मेसे जामाकु के पुँड़ी गेन्दरअ एमा लिकुआकु, आउर हुंकू के बेता लिकुआकु ची आउर थोड़ेक दिरी जगुत सथाअ पे, जब तक ची आपे आलकु बंधाउवा गाती आउर बोकोकु जे आपे लकान बलिदानोअ वाला एदान कुआ हुंकू आला होः गनती आलु पुरायोअ।

फिन आउर मियांड घोंड़ा उडुंग नेनाय, जे गोला ताही नेनाय, हुनी तेङ रे देःग उनी के नोःआँ हक एमा लियाकु ची दुनिया रेनअः मेल मिलाप के इदी गुल ताय, जेकर से ची होड़कु हुनी-नुई के गोएःग कु, आउर हुनी के मियांड बड़ेअ केन तलवाईर एमा लियाकु।

एता लःअय ची हुंकू आला खीस रेनअः भयभयान दिन हीःग सोदोर ताना। नोकान ओके एदानिया जे नोःआँ के झेलाव दड़ीआय?”

जब हुनी छटवाँ मरका खोलाव लःअय, दो ईङ नेल लाईङ ची अजमजोर भुईंडोल हुयाव नेना, आउर सिंङ बोंगा भेंड़ा कंबड़ा लकान कड़िया, आउर चानु मयोम लकान पुरा गोलाअ नाय। आउर सिरमा रिनकु इपील धरती रे नोकान नुर नेनाकु जे लकान ची गर्ड़रा तरअः हिलाव केते अंजीर सिंङ तरअः बेरेल जोअ झड़ाआ।

जब हुनी तीसरा मरका खोलाव लःअय, दो तीसरा परानी के नोःआँ कंहड़ी यअते आयुम लियीङ, “हिजोअ मे!” ईङ नेल लाईङ, आउर नेलेपे, मियांड कड़िया घोंड़ा एदानिया, हुनी रे रकाःब उनी आला तीः रे मियांड सेर-ढारा एदनाआ; आउर ईङ हुंकू चाईरो परानी रअः ताला तरअः नोःआँ सबद कंहड़ी यअते आयुम लाईङ, ची आकाल बेरा “मुसिङ रेनअः बनहींयारी रेनअः मि किलो गोहोम, आउर मुसिङ रेनअः बनहींयारी रेनअः पे किलो जाव, आउर सुनूम आउर जोजो लअः अंगुर रस के आलुम हराकाईत के।”

आउर सिरमा नोकान फाड़ा केते कुंड़ा नेना जे लकान कागज कोड़मोड़य रे कुंड़ा जुनोआ, आउर जामा बुरु, आउर टापु, अपन-अपन ठाँव तरअः ओचोअ ना। आउर दुनिया रिनकु राजा, आउर परधान कु, आउर सरदारकु, आउर धनगारकु, आउर सवांगियाकु, आउर जामा बंधाउवाकु, आउर आजादकु बुरु रेनअः मांड़ा रे आउर सेरेंग खटखुंड़ खोड़पा: रे सेन ऊकुअ नाकु