Popular Bible Verses from इब्रानी 4

Share

एता लःअय ची परमेसर आला बचन जिवीःड आउर समारथी, जामा बनर पखी चोख ऊना तलवाईर तरअः होः चोख एदनाआ। जे आबु एड़े बोलो केते आबु आला जीव आउर आतमा के गेंठ-गेंठ आउर गुदा गुदा के नोःआँ पखा तरअः होना पखी फोंगायाय, आउर मन रअः इकछा आउर सोंच-बिचार के जाँचायाय।

हिना लःअय एला, आबु अनुगरह रअः राईज गदी मड़ांग रे केटे:ग केते चलाआबु, ची आबु तेंग रे दया हुयाअः, आउर अनुगरह बु नामे, जे उचित बेरा सिरे आबु के गातीबु।

एता लःअय ची आबु दुबाःड़े नोकान महापुरोहित एदानिया, हुनी नोकान कनियाँ, जे आबु आला कमजोरी रे आबु लोः दुख रे एरे गाती योआ, हुनी के पाप के बाई केते आबु लेकन जामा बात रे परीकछा लियाकु सेरे होः बेकासुर उडुंग नेनाय।

दुनिया रअः एतान जिनीस होः, सिसिरजावी तरअः उकू उना कनोआँ। आउर नोकान उकू ऊना एतान होः कनोआँ, बकिर हुनी आला नजाईर रअः मड़ांग रे जामा जिनीस उघड़ाव उना आउर बे परदा आ। आउर आबु के लेखा एमोअ पड़ाव कोआ।

जब आबु आली महापुरोहित हेके, जे सिरमा सेन नेनाय, माने कि परमेसर आली होपोन ईसु, हिना लःअय आबु अपन बिसवास रे मजगुत बनाल ताहीनोआबु।

हिना लःअय एला आबु होः सथअ ठाँव रे बोल लःअय ढ़ेर जोड़ेआबु, नोकान आलु हुयाव कोअ ची हुनी होड़ लेकन कंहड़ी का आयुम केते डांड़ भो-भोगाव पड़ाअ