Popular Bible Verses from इब्रानी 2

Share

एता लःअय ची हुनी परखाअ रअः बेरा दुख उठाव लःअय, ची हुनी होड़कु आला परीकछा योअ बेरा, सहाड़ा एम दाड़ी।

एता लःअय ची चेंगाकु मयोम आउर सिकार रिनकु भागी हेके, दो ईसु होः मयोम आउर सिकार रिनी हुयाव नेनाय जेकर से अपन मराईन दोवासते, माने कि सैतान के, जे मराईन रअः हक नाम ताही लःअय नास किदीयाय।

निआँ लःअय ची होना बात रे जेके आबु आयुम तदाबु, आउर गी होना रे मन लगायाबु, नोकान आलु हुयाव कोअ ची भटकाव केते एटाअ ते सेन जुनोः बु।

हिना लःअय हुनी के जामे बरान तरअः हुनी आलकु बोको लकान बनाअः पड़ाव नेना, जेकर से ची परमेसर आला सेवा-सुसार रे सोगारू आउर बि-बिसवास लेकन महापुरोहित बनाव सकाए आउर होड़कु के हुंकू आला पाप छमा एमोअ लःअय बलिदान एम दाड़ी।

बकिर आबु नोःआँ नेल दाबु ची परमेसर ईसु के थोड़ेक बेरा लःअय सिरमादूत तरअः पद तेके घटाव ताही लःअय, नहाअः दो हुनी के महिमा आउर आदर रअः मुकूट सोलोंगोअ किदयाय, एता लःअय ची हुनी मराईन रअः दुख सहाव लःअय। जेकर से ची परमेसर आला दया रअः चलते हुनी जामे होड़कु लःअय मराईन के अटकार दाड़ी।