Popular Bible Verses from 1 तिमुथी 6

Share

बिसवास लःअय लगतार लड़ाव एकान मे, आउर होना का-अन्तोः जिनगी के नामेमे। आम निआँ लःअय राअः लेनमे हेके, आउर जेकर बारे रे आम ढेर होड़कु मड़ांग रे बिसवास रअः बढ़ियाँ गोवाह एम तदाम।

एता लःअय ची धन रेनअः लोभ जामा बरन बुराई रेनअः जाईर हेके। निआँ लोभ रे पड़ाव केते उकिन होड़ बिसवास रेनअः होरा तरअः भटकाव नाकु आउर हुंकू ढेर खिलपाईत झेलाव लआकु।

सबुर केते परमेसर आला भकतीये रे सचे गी जादे फयदा भेटाआ।

एता लःअय ची आबु दुनिया रे जहान आगु केते हीःग तनाबु? आउर ना नोआँड़े तरअः इदी केते सेन दाड़ी कोआबु!

नोःआँ जुग रिनकु धनवान कु के बेता कुपे ची हुंकू आलकु घमन्ड के, आउर नासोअ वाला धन-खुरजी रे कोवान बकिर परमेसर रे भरसा दोहोय कु, जे आबु आला सुख लःअय जामा जिनीस भरपुर एमेआय।

बकिर हुंकू जे धनवान बनाअः चहाआकु, परीकछा रे पड़ाव केते फंदा रे दाअः जुनोआकु आउर नोकान ढेर हुरमुठ आउर नसोअ खाता परीकछा घेराव केते होड़ के बगड़ाव कुआय आउर नसोअः रअः गड़हा रे ढोकलाव गोअ ताकुआय।

हुंकू के हुकूम एमा कुपे ची हुंकू बेस-बेस कामीकु। आउर बेस काम रेनअः धनगार बनाअः कु, आउर दान एमोअ आउर खुला दिल वाला पाड़ीयोअ कु। नोकाने रे गी हुंकू अपन लःअय सिरमा लःअय पुंजी जवार केआकु, जे हिजोअ दिन लःअय बढ़ियाँ मजगुत नेव पाड़ी कोआ। निआँ तरअः हुंकू सचा जिनगी के थमभाव ताकेआकु।