Popular Bible Verses from 1 जोहन 4

Share

पेरेम रे बोर का-ताहिनोआ, पुरा पेरेम बोर के जोला गुल तअय, एता लःअय ची बोर रे डांड़ रअः सक ताहिनोआ आउर जे बोराय हुनी आला पेरेम ठेकाना जगुत का सोदोर ताना।

ए दुलार कु, आपे परमेसर आलकु हेके, हिना लःअय आपे परमेसर आलकु बैरी तरअः जिताव तनापे, एता लःअय ची हुनी परमेसर जे आम एड़े एदानिया, दुनिया रे तहिनोई सैतान तरअः महान एदानिया।

आबु निआँ लःअय पेयारेआबु एता लःअय ची हुनी आबु के पहिल रेगी दुलार लिबुआय।

दुलार कु, आपस रे पेरेम दोहोयपे, एता लःअय ची पेरेम परमेसर तरअः सिरजाआ। जे दुलारेआय हुनी परमेसर आली होपोन हेके आउर परमेसर के पाड़ीआय।

जे काय पेरेमेआ हुनी परमेसर के काय पाड़ीआ एता लःअय ची परमेसर पेरेमाय।

पेरेम नोःआँ रे एदनाआ ची आबु परमेसर के कोवान, बकिर परमेसर आबु के दुलार लिबुआय, आउर आबु आला पाप के छमा केते छुटकारा एमोअ लःअय आएंग आली होपोन तेके कुलगोःड लियाय।

दुलार कु जदि परमेसर नुमिन केन दुलार लिबुआय, दो आबु केहोः आपस रे हुनी-नुई के दु-दुलार चाही।

परमेसर आबु के दुलार बुआय। नोःआँ निआँ रे दिसतार नेना ची हुनी मियांड ठुका होपोन तेके नोःआँ दुनिया रे कुलगोःड लियाय ची आबु हुनी दोवासते जिनगी नामेबु।

जदि जाहें कंहड़ीआय ची ईङ परमेसर के दुलारियीङ आउर हुनी अपन बोको ते लोः बैरी योआय, दो हुनी झुठा हेके। जदि हुनी अपन बोको के, जेके हुनी निलीयाय, हुनी के काय दुलारिया, दो हुनी परमेसर के, जेके हुनी काय नेल तदिया एता लकान दुलार दाड़ी कियाय।

जाहें होः नोःआँ मनाआय, ची ईसु परमेसर आली होपोन हेके परमेसर हुनी एड़े बनाल ताहिनोआय, आउर हुनी परमेसर रे बनाल ताहिनोआय।

हिना लःअय आबु के ख्रीस्त तरअः नोःआँ हुकूम भेटाव ताना, जे परमेसर के दुलारीयाय हुनी के अपन बोको केहोः दु-दुलार चाही।

ए दुलार कु, जामा आतमा रे आलपे बिसवास के आतमा के परखाव केते नेलेपे, ची होना परमेसर आला हेके ची नलागे। नोःआँ बात के निआँ लःअय बेताअः दिपिईंग ची दुनिया रे मुरुक झुठा आगमजानीकु एदान कुआ। परमेसर आला आतमा के नोकान रे चिनहा केआपे, होना जामा आतमा जे नोःआँ के मनाआय ची “ईसु ख्रीस्त होड़ रअः भेस रे धरती रे परमेसर पखा तरअः हीःग तनाय।”

आउर होना जामा आतमा जे ईसु के काकु मनाआ, परमेसर पखी तरअः नलागे। नोकान होड़ दो ख्रीस्त बिरोधी हेके। जेकर बारे आपे आयुम तदापे ची हुनी दराईया, बकिर नहाअः होः हुनी दुनिया रेगी एदानिया।