Popular Bible Verses from Iroomaani 8

Share

Ukwaasana baliib ibarooh areeyeen oodehay eeshtiimi jillaay shagaamiiniyeet toona nikteen. Baruuh bareeyooh dehaay ikatiint teena kasteeh daayiinaayt haay yꞌiiniyi jillaay ikwasi. Baruuh beet toona bariiyooh ishagaay dehaay waasamaab oodehayii dehaay danꞌi.

Ukwaasanaay reerii naat han door ishiishimidh hoon bitdiyeet toona winneet akteen. Yat tari midhhan, malak tari jin, amseeneeb udamaaniib tari gayii yꞌiiniib udamaaniib, tari ikatiin akrir han Ukwaasanaay reerii ishiishimidh hoon kiidiin. Tibreeteeb asti eefeen akrirwa, tari tubuutiib nꞌati eefeen akrirwa, tari kastaah Ukwaasana kwaasaab ikatiyeet taanaawwa han, door han adgiriit Ukwaasanaay reerii ishiishimidh hoon kiidiin. Been uureer Yasuuꞌaab Umasiih Wꞌankwanaayoon lawi indi.

Oontꞌaaneet, hinin ootaad kinbariyayt, Aashuuk Imugaddasa eeshtiimna hoon. Hinin naanaati jillaay siilalnayeeb kinkan. Laakiin Aashuuk Imugaddasa baahadiidamiit hayꞌaatii dehoon siileeleen.

Aflaay kasteeh teen tinaateeb naan nigweebeet toonaatu? Ukwaasana geeboon daayiiniyeek, aaw weer adgiriit kehoon daayi indi?

Aflaay oontꞌa Yasuuꞌaab Umasiihiib ikatiin baliib gwababi sꞌabuuk kiihaay.

Idanuubi dehayi ginꞌa tooyat istoobiina, laakiin iginꞌa Aashuuk aabkaab ikatiineeb midhhanwa mꞌasigwa ikatiin.

Abadan, kasteeh teen tinaateeb hinin barooh areeyaan baliin bariisooh timmiimaat nasra nibari.

Oontꞌa nibariyeeb igwirha, umatuun hoon lawi indiinaay geeb nisnadiireek, igwirha naatikina kiikeen.

Umasiihiib ooreer aaw hooy ishiishamiidh hoon? Igwirha tari uumaag tari wꞌamaag wara, tari tehargwi tari iraboob tari ibidhꞌi tari bꞌadhadh han?

Ukwaasana iginꞌaayeen teefeet toona ikteen. Aashuuk yhariwneet toona han ikteen. Aashuuk han Ukwaasana yharriiweet toonaatiit, hinin yꞌaamanaayee dehaay siileeleen.

Baliin Ukwaasanaay Shuukee atmalalhaab Ukwaasanaay ar ikatiin.

Baliin tumaagnaaytiit hayꞌaatii ikweer, iginꞌaayaahna beet tehayꞌa harriiweet toonaatiib daayeen. Laakiin Ishuukeet hayꞌaatii ikweer, iginꞌaayaahna Aashuuk yhariwneet toonaatiib daayeen.

Wꞌoorooh ookna han ishaab kiiki, laakiin kasseeyoon jillaay barooh karaamaateeb ifrꞌa. Aflaay hinin han, wꞌooriyooh geeb, kak winneet gwidaana iyaaw hoon kiidi han?

Aashuuk aakna hineeb ishuuki geeb, hinin Ukwaasanaay ar nikatiyeet toona ibadehana. Oontꞌa hinin areeh nikatiyeek, udehayooh iniiweet tibaraka kinaami niyad. Hinin masi Umasiihi geeb, Ukwaasana bariiyooh dehaay daasaab ikatiyeet toona han kinaami niyad. Umasiihiib igwirha geeb shaaraknayeek, umatuunooh han geeb shaaraknay.

Idanuubi ginꞌa Ukwaasana ashoosamiini. Ukwaasanaay whag kiisinaakir, whag yharriiweet toona han kiidꞌi.

Ukwaasana dꞌiyaab ikatiyeena kastaah Ukwaasanaay yꞌar laweeneet toona winneet sꞌayaameen.

Ukwaasana idꞌiyeena kastaah ufiraayiit lhanayteet, oon udamaan ookiik lhameeneet toona nikteen.