Popular Bible Verses from Iroomaani 3

Share

kassaan maagnaayt dꞌiyaaba aree Ukwaasana iniiweeb umatuun kinkitim, aree Ukwaasanaayt nꞌimaatee, balaashii shiboot nimri, Yasuuꞌaab Umasiihi sabbii idanuubeesoon nifdag.

Tuushbu Ukwaasanaay eetniit baliib kasseeh yꞌaamaneennee dehaay Yasuuꞌaab Umasiihiib wꞌaamantii tikati. Aflaay farig kiihaay

Ukwaasana Yasuuꞌaab idanuubeet karaamaateeb ifrꞌa. Yasuuꞌa umidhhanooh karramamiyaneet toonaawwa, ubooyooh ififeet toonaawwa uudehay aamaneenihoob, Ukwaasanaay geeb ishboobiin. Tuun tuuna Ukwaasana aadil ikatiyeet toona rhistini. Suur hasamiyaab udamaaniib toomaag gwibbaab oodehay dehaay asbiriyaayt jasaayaab kiiki. Baruuh toon toona tushbootooh oon udamaaniib haay rhisiyi jillaay idꞌi. Aflaay Ukwaasana baliib Yasuuꞌaab aamaneen agbiliiniyihoob, shibukinaab ikatiyeet toona rhisiini.

Shaawti whag yharriiweet toona dꞌiitiit Ukwaasanaay igwꞌadi suurii shibu dehay gaal han kiihaay. Laakiin whag danuub dꞌiyaab nikatiyeet toona mitiyaayiini.

Tuun tuuna bak kataabtu: “Beentooy shibu tak gaal han kiihaay. Gaal han afhamiini kiihaay, Ukwaasana harriiw gaal han kiihaay. Baraah kassaah fidnaab yakiyaana, hiddaab aree takweet baabariib ikeen. Daayiinaayt sakiiniib kiihaay, gaal han kiihaay.

Hinin wꞌaadami Ukwaasanaay geeb wꞌiimaanii ishboobi niyad, aree whag yharriiweet toonaati dꞌuuyii kiiki.

Abadan bak kiiki! Ukwaasana ibakii sidkiibu, aree wꞌaadami gwisreebi. Uuktaab bak indi: “Aflaay bhaliitiniyihoob ibakii usidkuuk akkadamiini, aree haakamtiniyihoob ibakii tehalaagaaytook hooy ansiramtiniya.” indi.