Popular Bible Verses from Yuuhannaay 14

Share

Mꞌasig geebookna anꞌiish, umꞌasig wꞌaniib aniiw hookna. Tuduniya tiniiweet toonaatiit iyaaw hookna kaadi. Baahasiikna, aree baarakwiina!

Yasuuꞌa bariiyooh dehaay, “Ani usalalu, oosdiku, aree umidhhanu. Aneeb anu Ubaaba eebi gaal han kiihaay.

Yasuuꞌa bareeyooh dehaay, “Baahasiikna, Ukwaasana aamanaana, aneeb han aamanaana.

Aashuuk Imugaddasa ishamaamiiga Ubaaba aniib oosmii iifdig indiyeeb, naatka allami hookna iyadna. Aree ani sooyaneetookna toona kastooh shꞌasi hookna iyadna.

Baliin aniit tiwasi gabbalamiit isnaakiir, aneeb areeyeen bareeh ikatiin. Baabu aneeb areeyeen baliib areeyi indi. Ani han bareeh areeyani, ugarooyu aree dehaay lawsi andi.” idi.

Ani Ubaaba raati andi. Baruuh aree weer shamaamiiga diimaab geebookna daayiiniib iyaaw hookna indi. Baruuh Ukwaasanaay oosdik lawseen Eeshuuk ikati. Tuduniya barooh rhi kitdi tari iikan kitdiyayt, barooh ishish kitdi. Laakiin baruuh geebookna eefi, aree hookna ikwaar indiyayt, barooh tikteenna.

Aniib oosmii tehariwneenaaka dehookna iidꞌi andi. Aflaay Ubaabaay umatuun Wꞌoorii lawi indi. Aniib oosmii naatka tehariwneek, ani iidꞌi andi.

Baraak aneeb areeteeneek, aniit tiwasi tisnaakiirna.

Baabiyu oogaw gwidaat gurfa hooy eefeen. Ani aree bareek mhiin dehookna isuumir andi. Bak biikaayeek aree ani kasooyan hookna.

Ani difiit mhiin dehookna asoomiiri harꞌii, agartiit aneeb beeti iyaay hookna andi. Shaawti ani eefiyeeb oomhiin iikti tiyadna.

Toomaas bariiyooh dehaay, “Wꞌankwanaay, baruuk naad teebiyeeb kinkan, aflaay been usalal kak nikteen?” idi.