Popular Bible Verses from Yohane 6

Share

Sɛ Yesu tawɩ ba sɛ, <<Maŋ n nyina nkpa bodobodo gaa. Wʋkʋma wʋŋ wʋ kɔŋ ma jaŋ na dusoŋ baa kʋ ɩ ɩ, sɛ wʋkʋma wʋŋ wʋ lɩɛ maŋ di na, nyʋɔlɛ baa kʋ ɩ ɩ.

Ɩsʋɔ Feliŋ ŋii a fa nkpa, wʋsɛ tanɛ gaa bɩrɛ ba yɩɛ bʋrʋ ʋ. Wɩɛ ŋii ma tawɩ fa amɩɛ na yɩɛ feliŋ bɛ sɛ ŋɩ yɩɛ nkpa.

N baa yɩɛ dɩtʋm ja adiya ŋii ŋii warɩɛwʋ, ama adiya ŋii ŋii fa nkpa ŋii ŋɩ taŋ gɩtɛ na, ŋii sɛ Wʋkpa Bu wʋŋ aja fa amɩɛ. Akala takɩɛ Majuo Ɩsʋɔ daasɛ maŋ mʋ kalaa gʋ wʋ lɩɛ maŋ dʋ.>>

Ma Juo jawʋ n nyina sɛ wʋkʋma wʋŋ wʋ kɩɛ Bu wʋŋ sɛ wʋ lɩɛ ɩ di na, aja yu nkpa ŋii ŋɩ taŋ gɩtɛ, na maa feŋsi ɩ kɔŋ nkpa naŋ dulunya dɩtamtɩŋ.>>

Sɛ Yesu lɩsɛ ba nʋɔ sɛ, <<Ŋina n nyina Ɩsʋɔ dɩtʋm takɩɛ n lɩɛ wʋŋ wʋ kpiri ɩ na di.>>

Wʋkʋma wʋŋ Juo wʋŋ mʋ ɩ fa maŋ na, aja kɔŋ ma jaŋ. Sɛ wʋkʋma wʋŋ wʋ kɔŋ ma jaŋ na, maa geŋ ɩ ɩ.

Sɛ Simoŋ Petero lɩsɛ ɩ nʋɔ sɛ, <<Kpaŋjuo, Mmʋɔ jaŋ sɛ dɩ n ju? Nyaŋ n wɩɛna wɩɛ ŋii ŋii fa nkpa ŋii ŋɩ taŋ gɩtɛ na.

Maŋ n nyina nkpa bodobodo gaa ga lɩɩ Ɩsʋɔ adugbe kɔŋ na. Wʋkʋma wʋŋ wʋ di dɩmʋŋ bodobodo gana na, aja cha gakpaa. Dɩmʋŋ bodobodo gana yɩɛ ma wʋsɛ tanɛ bɛ, gaa maa mʋ fa na dulunya a yu nkpa.>>

Sɛ Yesu tawɩ sɛ, <<Wʋrʋ baa dɩlɛ kɔŋ ma jaŋ ŋ, amʋɔ Juo wʋŋ wʋ kpiri maŋ na tuna ɩ tirina, na maa feŋsi ɩ kɔŋ nkpa naŋ Ɩsʋɔ dulunya dɩtamtɩŋ.

Akala takɩɛ Ɩsʋɔ bodobodo gaa n nyina wʋŋ wʋ lɩɩ Ɩsʋɔ adugbe kɔŋ wʋ a fa dulunya nkpa na.>>

Maŋ n nyina bodobodo gaa gaa fa nkpa.

Yesu mʋ bodobodo ŋii sɛ wʋ yɩlɩ Ɩsʋɔ sɛ wʋ kpara fa baa ba chaɩ na ganaŋkʋ baa jawʋ. Dɩmʋŋ sɛ wʋ yɩɛ aji ŋii gba. Gʋ ba kpiniŋ ba di pa na, sɛ wʋ tawɩ wʋ kpalɛnara baa sɛ, <<N tɔɔsɩ ŋii ba di kakaa na. N baa yela ŋarɛ a dʋɔ warɩɛ.>>

Gʋ Yesu kpalɛnara baa pala mayili atoro yaa atoro na salɛ na, ba na Yesu wʋ doŋ lɩŋ ŋii dʋɔ wʋ a tirina buori gaa, sɛ nyɩŋtɩɛ chaŋ ba. Ama wʋ tawɩ ba sɛ, <<Maŋ bɛ, n baa yɩɛ nyɩŋtɩɛ.>>